A Asociación cultural e deportiva Rapacollon's Big Band, organizará xunto co Concello, o esperado Mercado de Nadal. A gran cita será o vindeiro sábado, 23 de decembro, na praza da Constitución de Fisterra.

A cita será completa pois contará coa colaboración da Asociación Contra o Cáncer de Fisterra, a Asociación O Casino, a Xunta de Confrarías de Semana Santa, o coro Nuestra Sra.del Carmen de Fisterra, a Charanga a Tripulasión e a batukada Rapacollon's Big Band.

Será unha xornada cargada de música, xogos, títeres, gastronomía... e a visita de Papá Noel.