A silueta de Fisterra é unha das imaxes máis icónicas da Costa da Morte. Esa estampa do promontorio do Monte Facho é un dos grandes símbolos da comarca, e poderá retrarse con subtítulos dende xa. Hoxe quedou inaugurada a instalación das letras co nome de "Fisterra", un novo reclamo fotográfico e turístico que pon en valor a identidade dun lugar único no mundo.

No acto participaron o grupo de goberno que destacaron a importancia de seguir creando espazos que reforcen a imaxe e o atractivo do noso concello para veciños e visitantes.

Ademais, resaltan que cada letra conta unha parte da historia da vila do Cristo:

• F – Fin do Camiño, onde milleiros de peregrinos culminan a súa aventura.
• I – Inmenso horizonte, onde o ceo e o mar se funden nunha mesma paisaxe.                                                                          
• S– Solpores inesquecibles, símbolo da beleza da Costa da Morte.
• T– Turismo sostible, que descobre e respecta o noso patrimonio natural e cultural.
• E – Esencia mariñeira, presente nas nosas rúas, no porto e na nosa xente.
• R – Raíces e tradición, que manteñen viva a alma de Fisterra.
• R – Ruta Xacobea, que une culturas e emocións ata chegar ao quilómetro cero.
• A– Atlántico, o mar que abraza o noso territorio e define a nosa identidade.