Esta mañá os tres tripulantes dun pesqueiro con base en Fisterra foron rescatados tras afundirse o barco. Eran as 9:00h cando unha vía de auga provocaba que o Tamara afundise 2 millas ao sur do Cabo fisterrán.

O Centro de Coordinación de Salvamento (CCS) de Fisterra recibiu a alerta do buque Meira da Costa informando de que había unha embarcación en apuros que chamaba pola canle VHF 16. Mobilizase inmediatamente o auxiliar do buque Don Inda e o helicóptero Helimer 401, ambos con motobombas.
Ás 9.08 horas, o recreo Batega rescata aos 3 tripulantes do pesqueiro Tamara e confirma que unha cuarta parte do barco está afundido.
O Salvamar Regulus foi mobilizado para tentar o remolque co auxiliar da embarcación Don Inda, pero finalmente, ás 10.01 horas, o pesqueiro afundiuse a 100 metros de profundidade. O avión Sasemar 305 está mobilizado para controlar os restos de contaminación.
 

Rescatados los 3 tripulantes del pesquero Tamara, hundido debido a una vía de agua, a 2 millas al sur de Cabo Fisterra. Han participado en la #emergencia la Salvamar Regulus, la auxiliar del buque Don Inda y el Helimer 401. Coordinación por el Centro de Salvamento de Fisterra… pic.twitter.com/XineHeBOlj

— SALVAMENTO MARÍTIMO (@salvamentogob) August 9, 2024