Tralo remate da luga regular, esta fin de semana arrincan as segundas fases das ligas de base. Xuvenís, Cadete e Infantís afrontan novos retos. Por un lado os 3 primeiros de cada un dos dous grupos da primeira fase pasan á Fase de Ascenso á Preferente. O resto disgregáronse en 3 ou 2 grupos no chamado Torneo Subdelegación, que tamén terá o seu campión.

Xa tendes os grupos debullados en www.futboldacosta.com pero repasamos aquí como son os plans competicionais, mentres esperamos os sorteos da Copa da Costa que se celebrarán a comezos de abril. 

Fase de Ascenso á Preferente

Os 3 mellores de cada grupo métense na Fase de Ascenso á Preferente, para pelexar por un posto de ascenso directo, un dos fitos conseguidos nos últimos anos dende a Subdelegación. Para iso terán que disputar dunha Liga de 6 equipos a doble volta, trala cal o campión ascenderá directo e o 2º disputará o sempre infernal PlayOff de ascenso.

• En Xuvenís participan, polo norte, Soneira, Sofán e San Lorenzo, e polo sur Dumbría, Outes e Cee.
• En Cadetes, compiten Sofán, Cerqueda e Cabana polo Norte, e Cee, Outes e Dumbría no Sur.
• E finalmente, en Infantís loitarán polo título e o ascenso Sofán, Cerqueda e Camariñas polo Norte, e Dumbría, Carnota e Xallas polo sur.

Torneos SUBDELEGACION

O resto de equipos disputarán o Torneo Subdelegación repartidos en varios grupos.

En Xuvenís e Infantís hai 3 grupos (Torneo G1, Torneo G2 e Torneo G3), e trala disputa dunha volta, os primeiros e o mellor segundo xogarán semifinais e final.

En Cadetes, ao seren só 2 grupos (Torneo G1 e Torneo G2), clasificaranse para as semis do Torneo Subdelegación os dous primeiros de cada grupo.

Máis info

• Todas as táboas en www.futboldacosta.com.