O San Lorenzo presentouse en Camariñas con sete, o Porteño foi eliminado por alineación indebida e dous encontros máis non tiñan nada en xogo; o torneo do KO pide unha rápida reforma ou corre perigo de quedar en pachanga de primavera O Muxía recibiu o título de campión de Terceira - Foto: SD Ponteceso   Muxía 1-2 Ponteceso

• Campo: Arliña
• Muxía: Santi Papi, Munitis, Breo (Julián m.46), Denis, Martinciño, Maikel, Adrián Alcaina, Conguito, Chans (Adrián m.46), Víctor Alcaina (Pesqui m.46) e Iván Lagoa
• Ponteceso: Xurxo, Ismail, Matias, Dani Cotelo, Puente (Javi Peón min.70), Mendieta, Baba, Dieguito, Nando, Mara (Eloy min.67) e Charro (Charly min.82)
• Árbitro: Sánchez Martínez (A Coruña). Expulsou a Maikel do Muxía (m.90). Amonestou a Munitis, Breo, Denis, Adrián Alcaina, Conguito e Julián do Muxía; Ismail do Ponteceso
• Goles: 1-0 m.5 Víctor Alcaina, de penalti; 1-1 m.13 Ismail; 1-2 m.22 Charro

O peor da tarde foi a lesión de Ponte - Foto: SD Ponteceso Unha 'benvida' á Liga da Costa O campión de Terceira Galega, ao que antes do encontro se lle fixo entrega do título, caeu derrotado ante un dos que loitaron polo ascenso a Primeira, ergo, o Muxía non pudo co Ponteceso. O empate no Pinguel apuntaba ao de Arliña como encontro da xornada. E así foi. Un madrugador penalti por mans de Nando deixaba nunha situación óptima aos locais, que entraran con moito brío e intensidade. Pero non toleou o Ponteceso, que comezou a asumir a posesión e iniciativa, e tardaría menos de dez minutos en igualar, cun centro medido de Mendieta que Ismail cabecearía ao fondo da rede. De novo táboas tres cen minutos de cruce, e con alternativas no mando e nas áreas. E precisamente nese punto foi máis determinante o conxunto que este curso militou en categoría superior. Pouco despois da igualada, Charro realizaba unha acción persoal na que resolvía ante Papi e case sentenciaba a eliminatoria. Quedáballe unha hora ao Muxía para reaccionar, e o fixo tralo descanso, cando fixo sufrir e moito a Xurxo e á zaga dos da Vila de Pondal, que aínda así tiveron contras para aumentar a conta. A peor nova da tarde foi a grave lesión de Puente, dañado nun nocello. [fbvideo link="https://www.facebook.com/pontecesosd/videos/1976583099240426/" width="800" height="400" onlyvideo="1"]   Sporting Zas 1-2 Cerqueda O Cerqueda venceu de novo - Foto: UD Cerqueda

• Campo: San Andrés
• Sporting Zas: Juan, Álvaro (Alberto m.46), Ángel, Josito, Diego, Manu, Dani Mato, Pablo Novo, Bruno, Fabián (Marcos m.46) e Roberto (David Agra m.65)
• Cerqueda: Diego Dourado, Dani, Uru, David, Javi Pazos,Cholo, Michel, Lorenzo (Vieites m.71), Eloy, Iván (Juanjo m.88) e Méndez (Bastón m.82)
• Árbitro: Añón Salgueiro (A Coruña). Amonestou a Dani Mato, Marcos e Ángel do Sporting Zas; Cholo e Uru do Cerqueda
• Goles: 0-1 m.7 Iván; 0-2 m.20 Iván; 1-2 m.88 Dani Mato

De volta a cuartos Un Cerqueda ao que últimamente se lle da moi ben a Copa (ata desputara un derbi de cuartos contra o Malpica hai menos dunha década) sacouse de enriba ao Sporting Zas e xa agarda ao Ponteceso. Os de Raúl Periscal volveron facer dos primeiros minutos unha das súas grandes bazas, e de Iván Mato ao seu home decisivo. O atacante abreu o marcador aos sete minutos, tras un disparo seco e inapelable desde fóra do área. Pouco despois, e grazas a unha presión intensa, aumentaría a conta ao aproveitar un pase atrás de Méndez. Parecía non ser capaz de repoñerse dos golpes o equipo local, con moitos canteiráns e sen algúns dos seus homes máis determinantes. Despois do descanso, a UD atrincherouse, deixouse dominar e buscou as contras, ante un rival sen demasiadas propostas nin claridade. A mellor producción sportinguista foi o tanto de Dani Mato, tras desfacerse se varios rivais.   Esteirana 3-1 Malpica

• Campo: José Luis Vara
• Esteirana: Ponte (Roberto m.76), Tobío (Brais m.68), Dani Rama (Iker m.68), Xián (Campos m.60), Álex, Adrián, Josiño Barreiro, Josiño Alves, Jaime, Codesido e Pablo Rama (Eloy m.68)
• Malpica: Brais (Lamas m.85), Rubén (Casáis m.75), Marcos Pensado, Leilán, Mario, Isma, Laye, Eloy Cabeza, Brais Lado, Cololo, Álex Márquez (Alberto m.25)
• Árbitro: García Novo (A Coruña). Amonestou a Josiño Alves, Pablo Rama e Álex da Esteirana; Eloy Cabeza, Rubén e Leilán do Malpica
• Goles: 1-0 m.10 Pablo Rama; 1-1 m.58 Brais Lado; 2-1 m.68 Pablo Rama; 3-1 m.84 Campos

Quen o diría! Despois dun partido de ida moi desigual, a piques estivo a Esteirana de devolverlle a goleada a un Malpica que case nunca estivo cómodo no José Luis Vara. O madrugador tanto de Pablo Rama fixo soñar á parroquia blaugrana, especialmente grazas á dinámica da tarde, con posesión e oportunidades case sempre para o conxunto que necesitaba tres tantos máis. Rebaixou algo o tono cando na segunda metade, cun cuarto de hora xogado, o donimador do cruce, o corcubionés Brais Lado, picou o balón por enriba de Ponte e devolvía á Esteirana á necesidade de anotar catro tantos máis. E aínda caerían dous e un bo susto para un Malpica que debería tomar nota de cara á vindeira rolda.   Dumbría 6-0 Nantón

• Campo: O Conco
• Dumbría: Sergio, David Carreira (Adrián m.63), Jose, Pablo Conde, Iago, Charly, Martín (Fabio m.46), Raúl, Diego Cespón, Darío Capelo e Aarón (Cristian m.46)
• Nantón: Guille, Lareu, Silva, Pablo (Touriñán m.56), Diego Bello, Carlos Vidal, Fabio, Redondo, Raúl, Martín e Eloy
• Árbitro: Fraga Viñuelas (A Coruña). Amonstou a Raúl do Nantón
• Goles: 1-0 m.10 Charly; 2-0 m.18 Darío Capelo; 3-0 m.30 Aarón; 4-0 m.71 Adrián; 5-0 m.77 Fabio; 6-0 m.90 Adrián

Desas tardes que sobran Un parcial de 10-1 deixou o cruce entre un futuro Preferente e un Terceira, co Dumbría goleando sen forzar a un Nantón que pese a todo deixou unha imaxe digna. Tal e como sucedera sete días atrás en Fontiñas, os dumbrieses foron moi 'profesionais' e saíron o suficientemente centrados para non deixarse sorprender e marcar cedo. Foi novamente un monólogo con alternativas no once inicial e sobre todo a moi aplaudida nova do retorno de Sergio baixo paus, despois dun tempo fóra dos terreos de xogo.   Mazaricos 1-1 Fisterra

• Campo: Peña do Ouro
• Mazaricos: Miguel, Xabi, Estéfano, Martín, Matías, Pereiro, David, Ricardo, Molinos (Esteban m.64), Brais (Diego Maneiro m.46) e Oreiro (Chico m.110)
• Fisterra: Joselu, Rubia, Breixo (Fabián m.10), Robertín, Roa, Álex, Jesús (Jorge m.108), Adri (Pablo Lestón m.75), Roco, Cote (Cristopher m.110) e Bruno
• Árbitro: Crespo Rodríguez (A Coruña). Expulsou a Diego Maneiro (m.115) do Mazaricos e a Rubia (m.90) do Fisterra. Amonestou a Brais, Pereiro e Matías do Mazaricos; Robertín, Pablo Lestón e Adri do Fisterra
• Goles: 0-1 m.100 Bruno, de penalti; 1-1 m.112 Molinos

A estas alturas… Dúas horas de encontro sabatino se meteron en pleno mes de maio Mazaricos e Fisterra, que dirimiron o cruce cos goles no campo contrario. Tal como xa ocorrera en Ara Solis, a igualdade foi a nota predominante nunha cita de mínimas concesións e na que os dous sabían do letal dun erro. Apenas houbo achegamentos nun primeiro acto, iso si, con alternativas no mando e moito fútbol directo. Tampouco na reanudación ningún dos dous foise decididamente a polo encontro e no resumo de ocasións só aflora un protestado fóra de xogo a Oreiro por parte dos amarelos e un balón franco para Cote que detivo Miguel no caso dos fisterráns. Pudo resultar chave a expulsión de Rubia antes da prórroga, por unha patada excesiva, pero moi cedo Bruno, xa na prórroga, castigaría un erro local cunha condución e penalti que el mesmo convertiría. Tentouno á desesperada o Mazaricos, colgando balóns, e aínda acertaría a igualar, pero non a remontar.   Camariñas - San Lorenzo Un paripé en forma de cuarto de encontro escenificaron Camariñas e San Lorenzo. Os carballeses viñan das festas de Verdillo e tiñan ao día seguinte a promoción de ascenso, polo que, para non facer unha irregularidade, presentáronse con sete futbolistas no Hermanas Patiño. Despois do 1-2 da ida, os locais non quixeron facer sangue, e unha vez marcaran Yuyo e Nazo, un problema físico dun futbolista dos vermellos obrigou á suspensión e concedeulle o pase ao Camariñas.   Cabana 1-5 Baíñas

• Campo: As Redondas
• Cabana: Adrián (Darío m.74), Isma, Julián, Raúl (Laik m.46), Cabana, Jose Manuel, Fernando, Diego Varela (Fernando m.62), Jose, Diego Mato (Kevin m.70) e Christian (Eloy Castro m.80)
• Baíñas: Maikel, Tantán, Eloy García, Samuel (Felipe m.56), Álex Canedo, Víctor, Oreiro, David Blanco (Cristian m.56), Canay (Damián m.46), Pablo Muíño e Esteban
• Árbitro: Juncal García (A Coruña).
• Goles: 0-1 m.28 Canay; 1-1 m.30 Fernando; 1-2 m.35 Álex Canedo; 1-3 m.62 Pablo Muíño; 1-4 m.64 Eloy; 1-5 m.68 Felipe

Xa estaba todo dito Non había nada en xogo entre Cabana e Baíñas, que xa acabaran en goleada (6-2) o encontro de Vimianzo. Non variou demasiado a súa formación o conxunto vimiancés, que tomou con seriedade por se acaso o compromiso. Si variou algo máis o técnico bergantiñán, Mingui, que lle deu a alternativa a varios rapaces- Houbo igualdade nunha primeira metade con bos goles de Canay e Fernando e o debut realizador co Baíñas do ex do Bergantiños Álex Canedo. A reanudación fíxoselle demasiado longa ao Cabana, que veu golazos como o centro chut de Eloy García ou o remate ao fondo da rede de Tantán, tras unha gran acción de Víctor.