Martes. 12.11.2019
El tiempo

De aluguer non se vive mal

O Ponteceso segue lider xogando no Platas Reinoso
O Ponteceso segue lider xogando no Platas Reinoso
De aluguer non se vive mal

Todos desexamos ter a posibilidade de residir nunha casa propia, poder poñer as nosas normas e decorar cada rincón ao noso gusto. Pero ás veces de aluguer non se vive mal; menos preocupación se hai algo que arreglar en ela e a disponibilidade de poder facer a mudanza se non che caen ben os veciños.

Este ano por diversas situacións hai dous equipos que viven de aluguer, e de momento están moi contentos, pois son os líderes das suas respectivas ligas.

O Ponteceso reina na Liga da Costa desde o Platas Reinoso de Baio, mentres está en remodelación  o seu terreo de xogo do Pinguel.
Despois de xogar catro partidos como local, sacando dúas vitorias, unha derrota e un empate no seu derbi contra o Corme, onde non collía unha agulla no campo e os xogadores regalaron un partido espectacular, que finalizaba co resultado de 3~3.

Camariñas é o outro equipo que anda de prestado, neste caso tócalle cumplir unha sanción que acarrea do último partido da tempada pasada, na semifinal copeira contra o Cabana.
Unha tempada que teñen marcado si ou si o ascenso, e de momento van encamiñados con pleno de vitorias nas xornadas disputadas na 3ª Galega. 
Os tres partidos xogados na casa gañounos claramente, o primeiro disputouno en Arliña, e os dous seguintes tomou o Municipal de Laxe Cabo Darea como seu, incluso facendo de visitante ante o propio Laxe gañou claramente. O seu último encontro de locatario foi o derbi ante o Porteño, onde lle endosou un 3~0 os seus veciños.

Seguro que teñen moitas gañas de volver a sua casa, sobretodo por os afeccionados que non se teñan que desprazar cada fin de semana, pero de momento de aluguer están no máis alto da táboa.

Camarinas e Porteno en Laxe-Foto-Cf
Imaxe do derbi Camariñas- Porteño disputado en Laxe 

OUTROS ARTIGOS DE ÁNGEL GARRIDO

Comentarios