A última semana de agosto volve saber a fútbol por Muros. Despois do marabilloso Campionato de Barrios de Esteiro, o fútbol muradán terá o ollo no Trofeo de Fútbol Concello de Muros, no que participarán os 4 equipos masculinos e os dous femininos do concello.

Este sábado 24 arrincan as semis masculinas, cun Volantes-Monte Louro e un Muros-Esteirana, dende as 17:30h en Agra da Filgueira (Louro).

O sábado 31, a partir das 19:00h, a final feminina entre as pioneiras da nova era fútfem costeiro, As Miúdas, e máis antigas e recén estreadas da Esteirana. O choque, no Xosé Luís Vara de Esteiro.

A final masculina será en Louro o domingo 1 de setembro a partir das 19:00, xa pensando nun comezo de liga que só coñece a Esteirana masculina.

Máis novas