Venres. 20.05.2022
El tiempo

#PreviaQPC: A 3ª adianta as súas finais

xallas b castrelo
Fontenla acollerá varias finais este sábado. Na imaxe dun choque entre Castrelo e Xallas B
#PreviaQPC: A 3ª adianta as súas finais

Nova finalísima para o Xallas na Preferente, que ten que gañar si ou si todo un Boiro se quere manterse con vida. Será un sábado moi especial para a familia xalleira, pois ademais do choque de Preferente, Fontenla acolle tamén a finalísima adiantada da 3ª. O Xallas B recibe a un Corcubión que ten 5 puntos pero que tamén disputou un partido máis, polo que a vitoria xalleira daríalle á volta á clasificación a falta de só 2 xornadas para o remate.

Paralelamente, pero xa o domingo, o Carral acolle a outra final adiantada. O Oza recibe ao Porteño, que ten 1 punto máis pero tamén cun partido máis. O empate neste caso favorecería ao equipo carballés. Aínda quedaría con certas opcións o Laxe que vén por detrás e aínda ten que visitar o Carral na última xornada.

Dispútase tamén a antepenúltima xornada da. Con atención ao que fagan os nosos na parte baixa. Se o ben Dumbría pode sentenciar a súa permanencia se vence ao Agolada, e o Soneira ante o Belvís; Corme e Volantes están xa practicamente fóra. Toca atender á final que afronta Ponteceso que ten que gañar si ou si ao Cruces para seguir vivo.

Fases de Ascenso

O Bergan feminino segue mantendo vivo o soño do ascenso. Este domingo visita a pista do líder, un intratable Lóstrego, polo que todo o que sexa sumar será positivo.

Ademais, xóganse a volta das semifinais da Fase de Ascenso ás Ligas Galegas Xuvenil, Cadete e Infantil. Case imposible o ten o Cabana Xuvenil; difícil o ten o Cee cadete tralo 0-1 da ida no San Paio de Refoxos ante o Noia; e de cara o ten o Xallas Infantil tras vencer 3-2 ao Bertamiráns na ida.

Copa

Tamén están en marcha as Copa da Costa Xuvenil, Cadete e Infantil.

Veteranos

Afrointan a recta final os Veteranos. En División de Honra, con 4 xornadas por diante, os 4 de arriba (San Lorenzo, Zas, Ponteceso e Dumbría) se manteñen nun pano de apenas 3 puntos. A presión é máxima e ninguén quere fallar.
Mentres, na 1ª, dispútase a penúltima xornada. Co Bértoa practicamente ascendido, a loita pola segunda praza segue viva entre Leiloio, que ten tres puntos de vantaxe sobre Malpica e Nantón e 4 sobre Corme e Oza. Os 4 postos da fase de ascenso están decididos.

Máis información

comentarios