Xoves. 22.08.2019
El tiempo

O sorteo da Copa da Costa, un evento pioneiro no fútbol galego

Familia de galardoados no sorteo da Copa da Costa 2019
Familia de galardoados no sorteo da Copa da Costa 2019
O sorteo da Copa da Costa, un evento pioneiro no fútbol galego

Se nos remontamos un ano atrás, e lembramos o sorteo da Copa da Costa no frío auditorio de Baio, decatámonos no salto que pegou o Fútbol da Costa en apenas 365 días.

O acto, dirixido por Josiño Mira, da Radio Nordés, celebrado este sábado no Castelo de Vimianzo, refrenda a lenda do fútbol costeiro. Un sorteo ao estilo Champions, con bolas, grandes mitos e un despregamento de medios que demostra que o idilio desta Real Federación Galega de Fútbol á nosa comarca é máis intenso que nunca. Dende aquela Gala de QPC en Mazaricos, xa van case 3 anos de auténtico amor entre Rafael Louzán e o Fútbol da Costa, como o propio presidente recoñecía.

Sorteo da Copa da Costa no Castelo de Vimianzo

E precisamente son por cousas como estas, por encher un espazo tan simbólico como o Castelo de Vimianzo para unha cita singular, pioneira no fútbol galego.

A cita serviu para presentar ademais a I CopadaCosta Feminina, e tivo a Marta Calvo, a primeira xogadora con licenza nun club costeiro (Outes) que vestiu a camiseta da Seleccion Galega, como unha das protagonistas.

Marta Calvo no sorteo da Copa da Costa

A RFGF quixo ademais recoñecer a tres mitos do noso fútbol: Doro, que non puido asistir, como o xogador con máis títulos (7); Manín, o xogador con máis finais disputadas (8, 5 gañadas e 3 “roubadas”); e Manolín, o Rei de Copas (9 títulos, 2 como xogador e 7 como adestrador). Os dous figuras fixeron de mans inocentes sacando as bolas do sorteo…

Manolin e Manin con Josino Mira no sorteo da Copa da Costa

Recoñecemento á difusión

Tamén houbo un momento dedicado a outros dos culpables da lenda do fútbol costeiro, os medios. E a RFG escolleu a José Manuel Ferreiro, con máis de 40 anos ás súas costas contando o que acontece no noso deporte; e a Fran Hermida, a eterna Voz do Fútbol da Costa, que leva dende 2004 narrando a Copa da Costa e que sempre ten a ilusión e vontade de presentar as Galas QPC.

Ademais a RFGF tivo o detalle de recoñecer o traballo do diario Quepasanacosta para a difusión do noso deporte. Ubaldo Cerqueiro, que agradeceu aos que forman parte do equipo QPC como Alberto Pose e Manuel Varela, recolleu o galardón.

Ubaldo Cerqueiro recollendo o reconecemento as mans de rafael Louzan

Sorteo

Se ben en Cuartos haberá un novo sorteo, ata alí a competición queda do seguinte xeito, disputándose a partido único na casa do equipo de menor categoría, e cunha rolda de previa.

Copa da Costa 2019 - Copa da Costa 2019 copia

Máis información

Comentarios