Quen ía pensar que un virus, unha pandemia, podería conseguir esa tan ansiada unión dos clubs da Costa. Non foi una final de Copa, a cantidade de ascensos ou descensos, o formarto da competición… Noooon. Parece que na nosa parte do mundo, o COVID 19 pasará a historia por conseguir a “UNIÓN”.

Fai un dias, a Federación falou claro e alto, deixou moi claro cal é a sua postura, tan respectable como as outras. Persoalmente creo que podía ser un pouco máis flexible, pero repito, é a súa, e por suposto que a respecto.

Pero se me animo a escribir, non é pola Federación, é polos clubs, eses clubs que lle dan vida, que forman o noso Fútbol da Costa. Este fútbol do que tanto presumimos, eu o primeiro.

Podemos e debemos tomar una decisión complicada e difícil, pero sexamos claros e digamos todos xuntos ou si ou non. É o momento, competir ou non competir.

Penso que dede ser una decisión unánime e onde os clubes teñen moi claro os perxuizos e os beneficios. Se finalmente se toma a decisión de maneira conxunta xa ten un beneficio... que os clubs da Costa responderon todos xuntos.

Cómpre darlle a noraboa á Directiva do Soneira, foi a primeira en posicionarse dun lado. Seguro que foi difícil, pero foron moi claros e argumentaron a súa decisión. Repito, noraboa.

Animo aos clubs da 2ª e da 3ª a tender pontes entre eles, e falar... e se cadra discutir... pero sí finalmente se consigue unha resposta en común quen vai ganar no futuro é o Fútbol da Costa.