O Coliving de Laxe segue fixando a súa pioneira posición en Galicia
07:55 10/02/25
O Islow Coliving de Laxe acollía a segunda xuntanza do proxecto "Fixar", impulsada polo Goberno galego coa Asociación Cultural Sende e da que forman parte os coliving de Sende (Lobeira, Ourense), Anceu (Ponte Caldelas) e o propio iSlow. Uns encontros para seguir promovendo novas ideas e proxectos no rural, na que participaron o ano pasado 60 emprendedores de diferentes perfís.
A nova edición de Fixar afondará en determinar potenciais negocios necesarios no ámbito comarcal e avanzarase no aproveitamento de sinerxías locais coa Rede de Polos despregada por toda Galicia, que conta actualmente con 15 oficinas, unha en Coristanco, no Centro de Promoción Rural EFA Fonteboa.
