Achega hoxe o BNG de Laxe unha moción que vai presentar no pleno sobre a creación dun Plan de Camiños Forestais 2012-2015. Aseguran que levan un "exhaustivo traballo de campo" ademais de recoller as "inquedanzas" dos veciños laxenses, no que á mellora de camiños forestais se refire. E quere pois trasladar ao pleno a idea, se ben a moción non inclúe unha proposta de resolución si que pretende ue o Concello a teña en conta.

Así o Plan de Camiños Forestais 2012-2015 que presenta incide en ata 22 puntos:

• Asfaltado camiño dende A Camposa a Serantes.
• Mellora da capa de rodadura no camiño de Piñeiro (Serantes) ata o depósito municipal da auga en Espiñaredo (Laxe).
  Ao lado do depósito da auga existe de auga contraincendios. Lonxitude aproximada de 1030 metros.
• Apertura do camiño dende Arantiña-Estivadelle ata Piñeo. Lonxitude aproximada de 1535 metros.
  Camiño entre os límites municipais de Laxe e Vimianzo. Afecta directamente a 30 fincas e a una finca propiedade da Xunta de gran extensión.
• Apertura camiño dende brañas de Coens en dirección Borneiro.
  Camiño entre os límites municipais de Laxe e Zas e rematando no límite municipal de Cabana de Bergantiños. Lonxitude aproximada de 550 metros. Afecta directamente a 55 fincas.
• Asfaltado da costa da Camposa do camiño dende A Camposa (A Torre) ata Lourido (Serantes). Lonxitude aproximada de 130 metros.
• Apertura camiño dende a Casa de Caamaño (Campo dos Bois-Traba) ata o Monte Vello. Lonxitude aproximada de 1000 metros.
• Apertura do camiño dende o Brañal ata o Barilongo.
• Apertura ou mellora do camiño que vai dende Coens ata o monte de Barazas e que enlaza co que vai da Cruz do Furco ao repetidor do Monte da Lagoa.
• Apertura do camiño dende Cuiña a Boaño.
• Apertura do camiño dende Serantes ata a Agra das Penelas (pasando pola “tensora”). Lonxitude aproximada de 300 metros.
• Mellora da capa de rodadura do camiño na agra de Coens.
• Apertura de camiño no alto do Aprazadoiro.
• Mellora da capa de rodadura do camiño de Soesto ao Piñeiro (Serantes).
• Acondicionamento do Camiño Real dende Espiñaredo (Laxe) até camiño de Soesto.
• Mellora e apertura do camiño dende Lourido ao Monte Castelo (Serantes).
• Apertura camiño Salgueirón aos Chans (Serantes)
• Apertura camiño no Piñeiro (Serantes).
• Arranxo da subida no comenzo do camiño As Talaias ás Quenllas (Boaño).
• Apertura e mellora do camiño As Quenllas até Os Capeludos.
• Apertura do camiño dende a Casa de Isidoro (Boaño) até Cuiña.
• Mellora do camiño en Vilar de Arriba (Boaño).
• Apertura do camiño dende a Casa de Juan do Quinto (Matío) até a Lagoa.

Novas relacionadas

• Roteiros homologados na Costa da Morte?.

Fonte

• Nota de prensa da man de Xosé Manuel Pose Lema, Portavoz do grupo municipal do BNG.