Venres. 03.12.2021
El tiempo

Atopan sen vida un percebeiro que caeu ao mar en Laxe

Rescate en Laxe
Atopan sen vida un percebeiro que caeu ao mar en Laxe

Esta mañá de forte oleaxe, saltaba a alarma pola caída ao mar dun percebeiro na Punta Insua, a altura da Pedra do Boi, en Laxe. Foi un membro da Confraría de Laxe quen contactou co 112 Galicia para solicitar medios de rescate, pasadas as 11:00 horas. Emerxencias mobilizaba un completo operativo de rescate, con medios aéreos e mariños de Salvamento e Gardacostas, e a colaboración da Policia Local, Garda Civil, Protección Civil, ademais da Cruz Vermella de Laxe e de Camariñas.

O corpo sen vida do home foi atopado por unha embarcación de baixura no medio da ría arredor das 13:00h.
Segundo nos informan fontes achegadas, o finado é "Paco de Tinolo", grandísimo futbolista da familia dos Tinolo de Laxe, que xogou na súa época dorada no Bergantiños, e tamén no Xallas.

O Concello de Laxe convocou un pleno extraordinario esta noite para declarar 2 días de loito.

Os Irmans Tinolos de Laxe
Paco, á esquerda, cos seus irmáns, os Tinolos, nunha foto histórica no SD Laxe. Foto: Libro "Mar de Paixón"

Rescate en Laxe
Espectacion ante o operativo de rescate
Espectación no Faro da Insua. Fotos de Vítor de Mira

comentarios