Arrinca a  programación de M.A.N (Mar Arte naufraxios) e faino coa actividade de cinema comeza este venres 7 e sábado 8 no Centro Social de Traba de Laxe a partir das 22:30. Onde ademais da proxección de documentais vencellados a creadores e temática sobre a Costa da Morte contarán cos creadores/as para presentar o seu traballo.

A xornada do venres 7 será Roberto Martínez o que presente "Alegría", o documental de Ecoloxistas en Acción sobre os 20 anos do afundimento do Prestige, un traballo coproducido por Ecoloxistas en Acción Galicia e URCO Producións fai fincapé na urxencia de aumentar a cantidade e calidade das inspeccións dos buques que atravesan o litoral galego ademais de por énfase na necesidade de rematar coa dependencia do petróleo.

A xornada do sábado será con  Cora Peña e o famoso documental "Tesouro" de Corcoesto", que recolle as mobilizacións desenvoltas na comarca naquel 2013 ante a posible chegada dunha das explotacións máis agresivas do planeta.

LAND ART

Ademais, o domingo haberá un Obradoiro de LandArt e emocións a partir das 10:30h, con saída dende a Casa do Concello. Cómpre inscribirse en 881045858 ou en [email protected].

Máis info

• aAntena rescata o legado de Man, e marídao coa Land Art e a saúde dos nosos mares