Unha de enterros para o End-troido
Unha de enterros na Costa da Morte para poñer o END-troido, como bromean os compañeiros de Hermanager Humor.
E se mañá traeremos o resumo completo do gran entroido de Cee, todo un éxito no sábado de Piñata, imos repasando as últimas citas do Entroido na Costa da Morte. I é que tras unha primeira fin de semana pasando polo desembarco pirata de Vimianzo, pola tremenda inventiva de Carballo, polas comparsas de Muros, polas risas de Dumbría e como non, polo puro teatro Fisterra, hoxe repasamos as citas fúnebres do entroido costeiro, que son toda unha auténtica tradición dos na Costa da Morte.
Malpica, capital do Enterro
E se temos persoeiros de todo calado, non podemos comezar con outra que non sexa a Mikaela de Buño, i é que Malpica é a capital do Enterro do Entroido na Costa da Morte. Ademais da Mikaela, a fin de semana estivo protagonizada polo Farruco de Seaia, o Faustino de Malpica, e polos os Madamitos e Ghuadineiros de Cerqueda, verdadeira tradición que as asociacións seguen mantendo viva.
Pero é que a Mikaela é moito. Probablemente sexa unha das maiores festas da xuventude de todo Bergantiños, e xa conta con máis de 25 anos de "matanza", e segue ano tras ano enchendo a pequena vila de Buño de centos e centos de mozos con gañas de troula. E menudos disfraces que arman as xentes da volta, cunha imaxinación tenaz, que serve para acompañar ao auténtico Vía Crucis de bares que ten que sufrir á Mikaela antes da queima.
Este curso, disfrazada de Garda Civil cun escote de primeira, foi unha auténtica sensación, como bén contou o cura laico, o "padre Añón", durante o pregón.
Por Laxe, o alcalde Cayetano
Levan poucos anos recuperando a súa lenda, dende o 2009, pero a súa historia dá para moito. O venres tocaba en Laxe a despedida do Cayetano, que tras unha semana de alcalde, falecía por mor dos excesos. Unha semana antes, o alcalde cedera o bastón de mando ao Cayetano, o borracho da vila que posto como alcalde polo pobo.
Divertídisima a comisión das viuvas, a procesión fúnebre por todo Laxe e a queima na praia do Cayetano, toda unha festa.
Unha de Muros
Foi o mércores cando o pobo de Muros despedía a Don Facundo, un deses persoeiros coñecido por ser un “gran vividor-bebedor", e que as mulleres da vila botarán de menos.
De Percebes en Muxía
E moi simpática a proposta dende Muxía de facer o Enterro do Percebe da Barca, que este ano chegaba á súa segunda edición, e que vai collendo sona.
Entroidos 2014
- O minientroido tamén fixo disfrutar aos cativos de toda a bisbarra.
- A copla ten canteira no Entroido de Fisterra.
- Un Entroido olímpico en Muros.
- O Entroido de Dumbría apostou pola risa.
- Todo pode pasar no Entroido de Carballo.
- Desembarco pirata no Entroido de Vimianzo.
- O Entroido comezou polos coles.
Máis novas
Novas relacionadas
- 2013: O Entroido costeiro viviu unha completa traca final ca Mikaela.
- 2012: A Mikaela peregrinou por todas as tabernas de Buño.
- 2011: A Mikaela, un Vía Crucis de bares.
- A historia de Caietano.
- Laxe 2009: O pobo de Laxe enterra ao Cayetano .
Fonte
- Redacción de QPC (info@quepasanacosta.gal).