Malpica reafírmase como epicentro surfeiro co Malpica Longboard Classic

Mentres a Selección Galega de Surf concéntranse en Malpica, facendo xa os seus primeiros adestramentos en Soesto e Razo, os organizadores do Malpica Longboard Classic aproveitaron para facer a presentación oficial desta segunda edición.

A presentación no Forno do Forte, acompañados por representantes municipais, amosou o completo programa de actividades que se vai levar a cabo durante a vindeira fin de semana, do 16 ao 18 de maio.

Un Malpica Longboard Classic que naceu o ano pasado coa intención de introducir en Galicia unha modalidade pouco coñecida e que vai camiño da consolidación. José Dourado, un dos organizadores, comentou que a idea de poñer en marcha esta actividade xurdiu despois de participar en festivais semellantes en toda España e vendo que en Galicia non existía ningún destas características. Un grupo de afeccionados buscaron o entorno idóneo para o longboard e decidiron que fose Malpica “porque ten unha praia urbana, as infraestruturas necesarias e a calidade das olas precisa”.

Se en 2012 tocaba Quedada Longboard Viquinga, o ano pasado o Malpica Longboard Classic reuníu a participantes de Asturias, Cantabria, País Vasco, Cádiz e Valencia, ademais de Galicia. Este ano agárdase ampliar os lugares de procedencia e o número de competidores ata o centenar, se ben Javi Taladrid, outro dos promotores, insistiu en que a intención é crecer, sobre todo, “en calidade”.
Tamén explicou que o Malpica Longboard Classic nace coma un escaparate para as marcas galegas, “xente –dixo- que está innovando en táboas, textil… e que aquí van ter unha publicidade gratuíta para que poidan expoñer os seus traballos e o seu talento diante da xente que vén de toda España. Queremos dar a coñecer a industria que hai arredor deste deporte”.

Surf e música

Daniel Alvite, pola súa banda, centrouse nos aspectos organizativos. O evento arrincará o venres 16 ás 15.00 horas coa apertura das inscricións e da zona de acampada libre. Haberá un clinic de longboard de música, aínda que o prato forte da noite será a actuación de Sunday Morning Club. As competicións serán entre o sábado e o domingo. Haberá un festival de loggin e outro de longskate, disciplinas novas que se darán a coñecer e que “amosan o lado máis clásico do surf”, sinalou Daniel Alvite. Pola noite, máis música, con grupo Los Mecánicos, e o domingo, fin de festa coa entrega de premios.

Novas relacionadas

• A Selección Galega de Surf volve a Malpica.
• Malpica prepárase para a invasión dos Longboards.
• O Festival Sereas e Piratas xa ten nova data.
• As praias da Costa da Morte acollerán 5 citas do Circuito Galego de Surf 2014.
• 2012: Os viquingos surfeiros galegos e asturianos tomaron Malpica.

Máis novas

• A praia do Faro vibrou co campionato de body.
• A Tremosa, a gran e temida onda da Costa da Morte.
• Malpica vende fotos na lonxa.
• Soesto e Malpica atraeron o surf galego á Costa da Morte.
• Desafiando ao vento da Costa da Morte en Paddle Board.
• A Selección Galega de Surf toma Malpica como base de operacións.
• Nemiña volveu convertirse no centro surfeiro do país.
• Malpica abriu a temporada de surf na Costa da Morte.
• As perigosas ondas das Costa da Morte collen sona internacional.
• A bordo do longboard polos Camiños sen fin da Costa da Morte.
• A Costa da Morte afiánzase no panorama surfeiro do país.
• De quen son as ondas da Costa da Morte?.
• Os viquingos surfeiros galegos e asturianos tomaron Malpica.

Outras novas

• A bitácora da semana (XCV): Costa da Morte Kayak Surf.
• A bitácora da semana (LXVI): O blog do Clube de Surf Os Tombos.
• A bitácora da semana (IV): Surf na Costa da Morte.

Fonte

• Redacción de QPC (info@quepasanacosta.gal).