Malpica e Afaber conmemoran a Semana do Alzhéimer cun curso e unha mesa informativa
04:36 14/09/18
Afaber e o Concello de Malpica queren celebrar aSemana do Alzhéimer, e fano a partir do vindeiro luns coa inauguración do curso e a colocación dunha mesa informativa no centro de saúde
En colaboración coa Concellería de Servizos Sociais, ás 10.30 horas arrancará un curso para coidadores de doentes que se prolongará ata o día 25. Segundo confirmou a concelleira, Marisol Blanco Gorín, a iniciativa tivo unha excelente acollida, e, de feito, xa non quedan prazas.
Coidándose para coidar mellor é o título desta nova acción formativa, que pretende proporcionar a coidadores/as e familiares a asistencia psicoterapéutica necesaria para o correcto desempeño das súas funcións.