Os cursos están dirixidos a rapaces e rapazas entre os 9 e os 18 anos. Imaxe de arquivo Muxía e Malpica acollerán este anoos cursos da campaña de vela 2016 da Deputación da Coruña xunto cos concellos de Cariños, Oleiros, Rianxo e Ribeira. Esta actividade está dirixida a rapaces e rapazas entre os 9 e os 18 anos pertencentes ao ámbito de cada un dos concellos que serán sede da actividade. Os interesados en participar nos cursos deben formalizar a inscrición no seu concello, entregando a ficha de inscrición que pode descargarse da páxina web da Deputación da Coruña, debidamente cumprimentada e asinada polos pais ou titores dos solicitantes. A cota de inscrición será de 25 euros. Nos cursos, que terán unha duración dunha semana en quendas de mañá - de 10 a 14 horas -  e de tarde - de 16 a 20 horas-, realizarase unha iniciación aos principais conceptos teóricos e prácticos da navegación a vela, así como un curso básico da elaboración de nós mariños. A incorporación e regreso ás instalacións naúticas onde se desenvolverán os cursos correrá por conta dos participantes. Datas No caso de Muxía, o curso de vela será do 1 ao 5 de agosto. Os interesados en participar deben inscribirse antes do 18 de xullo. Malpica entrará dentro da sexta e última quenda da campaña da Diputación. Así o curso desenvolveranse entre o 8 e o 12 de agosto e o prazo de inscrición remata o 26 de xullo. Fonte

• Redacción QPC ([email protected])
• Deputación da Coruña