En marcha están os cursos de preparación para as probas de galego Celga que organizan conxuntamente os Servizos de Normalización Lingüística das comarcas da Terra de Soneira e de Bergantiños, sendo o máis activo o que desenvolve Pepe Blanco en Zas.

Logo de organizaren de maneira conxunta o IV Encontro de normalización lingüística desde as administracións locais da Coruña e a distribución das cartas para os Reis Magos (en colaboración coa Deputación da Coruña), os Servizos de Normalización Lingüística (SNL) dos concellos de Cabana de Bergantiños, Carballo, Malpica de Bergantiños, Ponteceso e Zas organizarán de maneira conxunta os cursos de preparación para as probas dos Celga durante o ano 2011.

Os cursos que pretenden organizar son os seguintes:

Información dos cursos

• O prazo de inscrición será do 1 ao 23 de febreiro.
• Os cursos son gratuítos e debe haber un mínimo de 20 persoas anotadas para que se poidan solicitar.
• As persoas interesadas poden inscribirse para calquera dos cursos nos SNL dos concellos de Cabana de Bergantiños, Carballo, Malpica de Bergantiños, Ponteceso ou Zas.
• Para inscribirse deberán cubrir unha solicitude que se lle facilitará nos SNL.

Obradoiro en Carballo

Ademais dos cursos de preparación para as probas de Celga, o SNL do Concello de Carballo organizará un Obradoiro de integración cultural e lingüística. Os prazos e as formas de inscrición son as mesmas que para os cursos de preparación para as probas dos Celga.

Novas relacionadas

• Aberto o prazo de inscrición para os cursos de Galego Celga.
• Búscanse mestres de galego.

Fonte

• Nota de prensa do SNL Zas.