Un novo falecido nas estradas costeiras ao ser arrollado en moto por un camión
Accidente mortal entre Carballo e Malpica
Continúa a sangría nas estradas costeiras. Nas últimas dúas semanas levamos case tants falecidos en accidentes de tráfico que en todo o 2015. Xa levamos 4 falecidos dende a tráxica morte de Paula Sueiro hai pouco máis dunha semana, mentres que en 2015 puidemos contabilizar 5 de accidentes ou atropelos mortais nas nosas estradas.
A última vítima foi un home duns 76 anos, natural de Nemeño, Ponteceso, que foi arrollado cando viaxa na súa motocicleta por un camión, de novo, como a pasada semana, da empresa López Cao. O accidente produciuse pasados uns minutos das 10:30 horas de hoxe, cando os vehículos circulaban á altura entre Xoane e Cances, no termo municipal de Carballo.
O alertante que chamou ao CAE 112 Galicia para pedir axuda, indicou que no momento de producirse o accidente, o camión –de transporte de materiais de construción- ía baleiro. Así, de contado, o persoal do Centro de Emerxencias de Galicia puxo os feitos en coñecemento de Urxencias Médicas que, só puideron certificar o falecemento da persoa. Tamén, a Garda Civil de Tráfico, Protección Civil e os Bombeiros de Carballo foron informados do suceso polo 112 Galicia.
Mañá complicada en Bergantiños
Accidente en Entrecruces
Incendio na Rúa Abetos de Carballo
Cóntanos Javier Souto, responsable de Protección Civil de Carballo que foi unha mañá complicada. Xa a primeira hora da mañá tiña lugar en Entrecruces un accidente na DP-1914.
Cando estaban alí foi cando souberon da nova do accidente mortal en Xoane, pero de contado foron avisados por un incendio en Coristanco, e outro na Rúa Abetos da capital municipal carballesa.
Novas relacionadas
Accidentes 2016-2015
- 13-02-16: Falece un mozo de 19 anos ao caer o seu coche a un río en Carballo.
- 11-02-16: 6 persoas resultaron feridas en senllos accidentes rexistrados en Dumbría, Malpica e Paxareiras.
- 11-02-16: Falece un home nun novo atropelo en Rus.
- 10-02-16: Varios feridos en dous atropelos en Cee e Baio.
- 10-02-16: Un ferido tras unha colisión por alcance en Corcubión.
- 08-02-16: Falece en accidente de tráfico Paula Sueiro, unha das recanteiras do Luar.
- Outubro 2015: Fin de semana de accidentes nas estradas costeiras, mesmo cun falecido.
- Setembro 2015: Un falecido en Coristanco tras colidir cun camión.
- Xuño 2015: Falece unha veciña de Lires nun accidente de tráfico en Bustelo.
- Maio 2015: Falece un neno de dous anos tras ser atroplelado en Coristanco.
- Abril 215: Un peón faleceu en Cabana despois de ser atropelado por un turismo.
- Redacción QPC ([email protected])
- Axega
