No CEIP de Vilarmide Eduardo Noya seguen demostrando que as aprendizaxes máis importantes da vida non veñen nos libros de texto.  

Desta volta, noutra actividade organizada pola ANPA Río Castro e coa colaboración de Samuel (do Centro Veterinario ADRISA) e de Tomás e Andrea (Della Rocha Residencia Canina) o alumnado coñeceu de “1ª pata” os coidados que necesita unha mascota para poder estar san e ser feliz: dende o respecto e a responsabilidade ata a alimentación, saúde, hixiene...

Aínda que a charla estivo moi interesante quen levou toda a atención foron os canciños que acompañaron a Samuel, Andrea e Tomás. Os nen@s interactuaron con eles que se deixaron acariñar encantados de tanto protagonismo.

Pero non só se falou de cousas bonitas, senón que se recordou o problema do abandono de cans e gatos (uns 700 diarios en España)

Os nen@s fixeron montóns de preguntas e aportaron a súa experiencia persoal (tod@s teñen aninais na casa) e remataron recibindo un diploma acreditativo de mellor coidador/a. Antes de marchar e como sempre os invitados de  “2 patas” recibiron un agasallo da ANPA e a bandexa do Lobo Toxiño (mascota oficial do centro) e firmaron no libro de visitas. 

Máis novas