Martes. 01.12.2020
El tiempo

Este venres arrinca unha comprometida XVI Mostra de Teatro de Malpica

Programa da Mostra de Teatro Malpica 2020
Programa da Mostra de Teatro Malpica 2020
Este venres arrinca unha comprometida XVI Mostra de Teatro de Malpica

Coa máxima seguridade, cun aforo limitadísimo e cun extricto protocolo, comeza este venres a XVI Mostra de Teatro de Malpica. Unha clara aposta pola cultura en tempos de crise, cunha ducia de espectáculos no vindeiro mes para os que é preciso reservar os asentos no teléfono do departamento de Cultura, no 981 707 104.

A programación, que inclúe o “Ciclo de Sala” (no Centro Cívico) como o popular ‘Ciclo Ruada’ (no Centro Cívico, na Escola das Pozacas de Cerqueda, no Centro Social de Barizo, no Mercado de Abastos e no Antigo Centro Comarcal de Buño) comeza este mesmo venres, 30 de outubro, coa función ‘Bernarda’, de Malasombra Producións ás 20:30 horas no Centro Cívico.

O Ciclo de Sala continuará o venres 6 de novembro, tamén ás 20:30 horas no Centro Cívico con ‘MedidaXMedida’, de P.T. Excéntricas.
O venres 13 de novembro, con escenario novamente o Centro Cívico e ás 20:30 horas, Talía Teatro executará ‘Lambetadas’.
Tabú’, de Tarabela Creativa chegará o venres 20 de novembro ás 20:30 horas no Centro Cívico.
O venres 27, novamente ás 20:30 horas no Centro Cívico, as persoas poderán contemplar a execución de ‘O meu mundo non é deste reino’, de Teatro da Ramboia.
O domingo 29 de novembro, ás 19:00 horas da tarde, Contraproducións levará novamente ao auditorio do Cívico ‘A compañeira de piso’.
O venres 4 de decembro, ás 20:30 horas, Galeatro executará ‘Carabela’ e como función que finiquita esta Mostra, o venres 11 de decembro ás 20:30 horas, Carlos Blanco fará as delicias das espectadoras e espectadores con ‘Quen dixo medo?’.

Ciclo Ruada

Constará de catro funcións, a destacar ‘O lobo bobo’ de Elefante Elegante, que será o domingo 15 de novembro ás 17:00 horas na Escola das Pozacas de Cerqueda; ‘Utopías’ de Xarope Tulú o domingo 22 de novembro ás 17:00 horas no Centro Social de Barizo; ‘Contos no Mercado’, o domingo 6 de decembro ás 12:00 horas no Mercado de Abastos; e como colofón final a este ciclo: ‘O camiño da lingua’, de Galeatro no Antigo Centro Comarcal de Buño o domingo 6 de decembro ás 17:00 horas.

comentarios