A pasada tarde, un home resultaba ferido en Muros ao caer sobre a rampa de acceso ao porto, detrás da lonxa, cando realizaba un exercicio cun aladelta amarrado a unha embarcación. A persoa sufriu lesións graves, polo que tivo que ser evacuada por unha ambulancia do 061-Urxencias Sanitarias ao centro hospitalario de referencia.

Foi un veciño quen alertou ás 19:45 ao 112, que mobilizou tamén aos axentes da Policía Local de Muros e o persoal de Salvamento Marítimo, que non tivo que despregar un servizo de busca.