Parece que non comeza de todo ben o que quería ser chamado a formar o novo gran Grupo Lácteo Galego. Unha das catro patas coas que nacía xa caeu. Tiñan que ratificar a fusión as asembleas das catro Cooperativas que formaban inicialmente o grupo, e os socios da Cooperativa Xallas dixeron non. Melisanto, Irmandiños e Feiraco seguen adiante con esta integración na cooperativa de segundo grao pensada principalmente para abaratar custes.

O 85% dos socios da cooperativa xalleira votaron en contra da unión, considerando que poderían perder autonomía e temendo polo empeoramento da xestión. O acordo da cooperativa con Leche Celta permítelles ter bos prezos, e hai certo medo en cambiar.

Novas relacionadas

• Outubro 2016: O novo gran Grupo Lácteo Galego?.
• Xuño 2016: Feiraco reelixe ao seu presidente envolto nunha gran polémica.
• Xaneiro 2016: Gandeiros do Xallas cambian “ghaspeadas leiteiras” por “rubias galegas” de carne.
• Decembro 2015: Os gandeiros reparten información entre a cidadanía para explicar a súa grave situación.

Fonte

• Redacción de QPC ([email protected]).
• Campo Galego.