Venres. 12.08.2022
El tiempo

As cabanas da Quinta do Bouzas nacen coa idea de revitalizar ás áreas rurais de Mazaricos

created by dji camera
Vista aérea da Quinta de Bouzas
As cabanas da Quinta do Bouzas nacen coa idea de revitalizar ás áreas rurais de Mazaricos

"O noso é un concepto de turismo sostible que quere manter e revitalizar a contorna na que se asenta, por iso queremos contalo! Queremos contribuír a un rural vivo e con valor engadido e tamén a unha filosofía de conexión coa natureza e slowlife".

Así se presenta a nova proposta turística de Mazaricos. Unha familia da contorna abre as portas da Quinta de Bouzas vindeiro 22 de xullo, aproveitando o tirón das cabanas e dándolle un novo sentido ao concepto de aloxamento rural.

A Quinta está situada no corazón Mazaricos, en 7 hectáreas de natureza e con acceso directo ao río Beba. Conta con cinco cabanas (con jacuzzi, climatización e wifi), e unha antiga casa restaurada, O Lar.

As persoas que se aloxen na Quinta de Bouzas poderán atopar, en Mazaricos, turismo megalítico, coa necrópolo de Pedras Miúdas e o Dolme da Parxubeira; a Ruta das Fervenzas, con cinco saltos de auga cheos de encanto; miradores como o do Enxilde, o de Corzón ou o de Pedras Miúdas e, ademais, as mellores praias da Costa da Morte a 20 minutos en coche.

O Lar Restaurante da Quinta de Bouzas
A casa da Quinta é o restaurante O Lar

A familia promotora

Manuel Lema é un galego, nacido en Carnota, actualmente un próspero empresario afincado en Estados Unidos. Nunca deixou de sentir un apego profundo pola súa terra e atopou en Bouzas, Mazaricos, un espazo especial e con múltiples posibilidades para crear un negocio que se convirta nun futuro cercano nun referente no turismo galego.

É un proxecto familiar, xa que toda a familia de Manuel se afanou no deseño e construción do mesmo.

comentarios