Coñecer de preto un aeródromo non se fai todos os días. Por iso, a cita á que invitaba Naturmaz este pasado sábado foi ben recibida e aproveitada por máis de 200 persoas, que puideron abraiarse coa maxia da aviación deportiva. Interesados en xeral, profesionais e veteranos do mundo da aviación xuntáronse nas instalacións situadas á beira do encoro da Fervenza en Mazaricos, para ver as aeronaves que chegaron pola aire da Escola de Pilotos Aeroflota del Noroeste, o Aeroclub de Santiago, o Aeroclub da Coruña, Aero Lemos, o Club de voo de Cambre, Pilotos cerval, e o Aeródromo de Caldas Campañó.

Os participantes disfrutaron dunha actuación musical e xantar. Ademais, tiveron a ocasión de coñecer o complexto Air Fervenza, o primeiro complexo de aloxamento de alto standing de temática aeronáutica na península ibérica que abrirá as súas portas nas vindeiras semanas.