[fbvideo link="https://www.facebook.com/871104459619782/videos/1267718999958324/" width="500" height="400" onlyvideo="1"] Esta foto levou o 1º Premio do Concurso do ano pasado Con motivo da Semana Gandeira que se está a preparar en Mazaricos - e que terá lugar do 14 ao 20 de novembro - a asociación Eu Son Mazaricos organiza o II concurso de fotografía sobre a gandería e vida no rural en Mazaricos. Os interesados en participar poden enviar as súas fotografías mediante a aplicación de Whatsapp ao número de teléfono 628 80 97 61 acompañada polo nome e apelidos do participante, enderezo, número de contacto e título da imaxe establecéndose un máximo de dúas fotografías por participante.O prazo de presentación das fotos remata o este venres, día 11. As fotografías presentadas publicaranse - a partir do día 14 - nas diferentes redes sociais de Eu Son Mazaricos para que o público poda facer a votación ata o día 17. Premios Serán premiadas con 70 euros, a foto máis artística, a máis votada, a máis entrañable e máis divertida. O xurado estará composto por membros de Eu Son Mazaricos e por profesionais do mundo da fotografía que desenvolvan a súa actividade no concello mazaricán. As fotografías finalistas serán expostas publicamente no recinto feiral durante a Semana Gandeira.  

Novas relacionadas

• Semana Gandeira 2016: Mazaricos xa ten data para unha nova Semana Gandeira
• Semana Gandeira 2015: MZ: A Gandeiría como forma de identidade.
• Seman Gandeira 2015: “Na semana gandeira de Mazaricos participamos todos”.
• Mazaricos crea a súa Asociación de Gandeiros
• Un concurso de fotografía do máis gandeiro
• Juan José Blanco: “O 90% de Mazaricos depende do sector gandeiro”

Fonte

• Redacción de QPC ([email protected]).