Tremendo o que caeu esta noite en Muros. Os bombeiros do GES non paran de acodir a atender incidencias. As riadas desta madrugada foron impresionantes, enchendo os soportais de cascotes, convertindo as escadas da casa da Cultura nunha auténtica cascada, e mesmo tirando mesmo parte do muro e do teito da Igrexa de San Pedro.

Ata o mediodía non pararon de atender incidencias, por mor das enchentas dos ríos, coincidindo ademais coa marea alta, anegando completamente as redes de saneamento.

As cifras así o recoñecen. Ao longo do día de onte a estación de Fontecada (Santa Comba) era a que máis auga recibía de toda Galicia, con 94,3 L/M2 (hoxe rondan os 62), entrando tamén Vimianzo entre as 5 primeiras con 76,8 L/m2 acompañados de refachos de vento de máis de 104 km/h.

A vila muradá xa sufríu as consecuencias do temporal de vento da semana pasada.

Segundo Meteogalicia, seguirá chovendo forte durante a xornada do domingo, pero é probable que o luns e martes mingüe o temporal.

Enchentas do Anllóns

Ademais, o temporal de auga deixou estampas do río Anllóns espectaculares, como esta imaxe da ponte da Garga, no mesmo lugar de Anllóns (Ponteceso).

 

 

 

 

View this post on Instagram

 

 

 

 

 

 

 

 

 

 

 

A post shared by Que pasa na Costa (@quepasanacosta)

A fervenza do Ézaro no seu esplendor

Estas datas deixan imaxes marabillosas tamén, como a fervenza do Ézaro a tope.