Semana negra a pasada para o patrimonio natural da Costa da Morte. Ás novas da morte forzosa da Reserva Mariña de Lira e a creación de 3 novos parques eólicos arredor do Monte Pindo demostran que a Xunta de Galicia non valora o noso maior tesouro: a natureza.

Dende xuño do ano pasado non escoitábamos falar de Touriñán, pero a macropiscifactoría segue nos plans do goberno da Xunta. Onte puña o finiquito definitivo ao polémico Plan Acuícola do bipartito e comezaron coa tramitación do novo Plan Director de Acuicultura (PDA), que mantén moitas das ideas do plan aprobado en 2005 polo anterior goberno do PP.

O novo plan suspende as piscifactorías de Merexo, Seiruga, Camelle e Corrubedo, polo rexeitamento social dos veciños e trala promesa antes das eleccións autonómicas do 2009. Non fai o propio coa de Quilmas, malia que o rexeitamento cidadán é semellante, nin coa de Touriñán, onde é medio país o que se opón á destruciíon dunha paraxe inigualable.

Sinalan que a Consellería do Mar traballa man a man coa USC, curiosamente despois de que esta conclúise que a piscifactoría de Touriñán é incompatible coa normativa europea .

Natureza viva

Entrementres deixamos de novo este vídeo de Francisco Santiago López, para que disfrutemos da paisaxe natural dun dos lugares máis auténticos da nosa xeografía.

Novas relacionadas

• 3 novos parques eólicos ameazan o Monte Pindo.
• A Xunta deixa morrer a Reserva Mariña de Lira, que segue dando exemplo en festivais de todo o mundo.

Máis novas sobre Touriñán

• 21-06-10: Mar non olvida Touriñán.
• Touriñán centra o debate pola Lei do Solo.
• A USC conclúe que a piscifactoría de Touriñán é incompatible coa normativa europea.
• Bruxelas esixe unha nova avaliación ambiental da piscifactoría de Touriñán.

Outras novas

• É o Cabo Touriñán o punto máis occidental da Europa Continental?.
• A mentira das palabras máxicas: Postos de Traballo?.
• Denuncia cunha foto: O vertedoiro do Cabo Touriñán.
• Mentiras e verdades sobre os informes da piscifactoría de Touriñán.
• Un precedente para a piscifactoría de Touriñán.
• Entrevista con Olaia Sendón: "Touriñán representa a dicotomía entre un espazo tan impactante pero habitado".

Fonte

• Redacción de QPC (info@quepasanacosta.gal).
• El Correo Gallego: La Xunta cuenta con Touriñán en su nuevo Plan de Acuicultura .