As científicas do IES de Muxía lanzan ao espacio a cápsula MarumaSat
- “É raro pensar que vai subir tanto, pero estamos emocionadas”.
Emocionadas amosábanse onte as bravas científicas do grupo “Muxía en Órbita”. Tras arrasar na fase galega e triunfar na fase estatal do programa Cansat, as alumnas do IES Ramón Caamaño de Muxía asistían onte ao lanzamento da cápsula estratosférica MarumaSat VI.
En clave NASA (chámanlle ao proxecto) Axencia Espacial Escolar Galega (NOSA), a Cidade da Cultura era o escenario escollido para lanzar a cápsula estratosférica levou unha mostra de ADN humano e dun fungo para ver a influencia que neles ten a exposición á radiación UV.
”Moi ben! É raro por pensar que vai subir tanto, pero estamos emocionadas por ter xa os datos, porque na placa peltier seguro que obtemos datos moi interesantes”, cóntannos as alumas xa desexosas de analizar os resultados do voo.
O voo, que se prolongou máis de dúas horas, serviu para que a cápsula MarumaSat medise a velocidade do son a diferentes alturas e creou unha melodía que se obterá empregando ChatGPT para correlacionar notas musicais con algunhas das variables que mide a sonda como pode ser a presión ou temperatura, relacionando así a ciencia coa arte e a accesibilidade.
NOSA, Un proxecto colaborativo
Estes seis centros educativos conforman NOSA, un proxecto que naceu no curso 2014/15 cuxo obxectivo principal é levar ás aulas un modelo de traballo colaborativo a través do deseño e construción desta cápsula que cada ano realiza un voo suborbital.
Xunto coas muxiás, participaron grupos do entro de Educación Especial CEE de Panxón en Nigrán, do IES Miraflores de Oleiros, do IES Marco do Camballón de Vila de Cruces, do IES Arcebispo Xelmírez II de Santiago e do Centro Público Integrado CPI Plurilingüe O Cruce de Cerceda.
O espírito do programa, compartido por todos os docentes implicados, é concienciar o alumnado da utilidade dos coñecementos que adquire para dar resposta a retos tan complexos como desenvolver esta cápsula estratosférica. A iniciativa afonda, ademais, na cooperación entre alumnado dos distintos centros e diferentes idades.
