Continúa a Galería Mulleres, que artella o Concello de Muxía, intentando visibilizar a aportación da muller á historia da humanidade, ao mundo das ideas, das artes, das ciencias... Paralelamente ao traballo que fai a Biblioteca da Muller, o concello muxián propón unha personalidade para cada mes, de xeito que pouco a pouco imos lembrando a nosa historia a base de nomes. Femeninos, iso si. Este mes de outubro de 2010 a protagonista é unha poeta nacida en Madrid no 1947, pero con alma galega. Marilar Aleixandre usa o galego como lingua literaria e afirma que ten a lingua partida, pero que non todos os bichos con lingua bífida son perversos. Narradora, poeta, traductora, tamén é profesora de Didáctica da Bioloxía e Educación Ambiental na Universidade de Santiago de Compostela. En canto aos libros, di que no fondo son mensaxes escritas con tinta, chuspe ou sangue que guindamos ao baleiro coa esperanza de que alguén os reciba. Na Biblioteca da Muller do Concello de Muxía poden atopar os seguintes libros da autora:

• nas illas. Ed. Xerais.
• Castelao segundo Rañolas e obra de Castelao. Ed. Galaxia.

Máis información

• www.marilar.org.
• Biblioteca Virtual Galega: Marilar Aleixandre.

Galería mulleres

• Setembro 2010: Coñecendo á actriz María Casares coa Galería Mulleres.
• Agosto 2010: A actriz e escritora Paula Carballeira protagoniza o agosto da Galería Mulleres.
• Xullo 2010: A transgresora pintora Maruja Mallo protagoniza o xullo da Galería Mulleres de Muxía.
• Xuño 2010: A escritora e pioneira feminista María Xosé Queizán protagoniza o xuño da Galería Mulleres.
• Maio 2010: Muxía dedica o maio da Galería Mulleres a Rosalía de Castro.
• Abril 2010: A primeira muller membro da RAG protagoniza o mes de abril da "Galería Mulleres" de Muxía.
• Marzo 2010: María Lado estrea a Galería Mulleres do Concello de Muxía.

Fonte e máis información

• Concello de Muxía.