Estes sábado 10 e domingo 11 de agosto, Muxía engalánase de sal, vístese de mariñeiro do século pasado, para celebrar o xa VII Mercado das Rutas do Mar. En plena febre de festas históricas, a da vila da Barca vai collendo sona, e a implicación dos veciños permítenos viaxar no tempo e disfrutar dunha das características máis propias da vila: o mar.

Así, eses dous días ducias de postos de artesanía e gastronomía invadirán a vila. Ademais haberá continuas actividades de teatro na rúa, contacontos, exposicións históricas, música... Este ano teremos máis postos e máis actuacións, destacando as sesións de teatro e música de rúa da man de Os Quinquilláns, Cremallera, Epa Juglares e outros 4 grupos de música tradicional. Unha infinidade de cousas para disfrutar dunha festa singular na que o pobo é o gran portagonista.

Este ano Muxía terá dous pregoeiros de excepción. Estes serán o actor Nancho Novo, coruñés de nacemento pero muxián de corazón, e a poeta Rosalía Fernández, carballesa de nacemento pero tamén muxiá de alma.

Novas relacionadas

• Menudo verán que espera en Muxía.
• Mercado Rutas do Mar 2010: Un Mercado Mariñeiro feito na casa.
• Mercado Rutas do Mar 2008: O pobo foi a alma do Mercado das Rutas do Mar de Muxía.

Fonte

• Concello de Muxía.