Non paran os pequenos dos Muíños. O pasado domingo os viamos recitando a Rosalía en plena Virxe da Barca e hoxe nos presentan o seu novo Clube de Lectura "Queremos ler". E que a iniciativa parta dun grupo de alumnas da escola máis tecnolóxica da zona, ten mérito.

"Queremos ler", como nos contan dende o blog do Niño da Curuxa, é o nome que escolleron os propios alumnos e alumnas do centro para definir o seu grupo, e seguramente é o máis acertado, porque o primeiro que presentaron foi unha lista de reivindicacións na que se pedían libros, libros e libros.

A propia responsable da Biblioteca, Susana Seoane Dovigo, explícanos que se ben o centro aínda non ten asignado un orzamento específico para o clube de lectura (como existe nos centros de secundaria), pero valora a ilusión dos seus pequenos. De feito, o ano pasado puxeron funcionamento do clube das mamás "Lemos no niño", que levou á creación de "A chispa da lectura" (con alumnado do segundo ciclo de primaria) no curso pasado, e que no presente serve de xérmolo para clube dos máis pequenos.

Cómpre destacar a gran labor da Biblioteca Escolar do C.E.I.P. "Os Muíños", que funciona ininterrumpidamente desde a creación do centro, e gañou un novo impulso nos últimos dez anos, obtendo no ano 2010 o 3º "Premio Nacional ás Boas Prácticas na Biblioteca Escolar", concedido polo MEC aos centros que, dun xeito coordinado, e coa colaboración de todos os membros da comunicade educativa, consiguen melloras notables na súa biblioteca.

Máis información

• Blog Niño da Curuxa.

Novas relacionadas

• A Costa da Morte lembra a Rosalía.
• Aprendendo coas novas tecnoloxías.
• Avoa, como nos metemos nunha radio por dentro?.
• A Biblioteca dos Muíños recibe o Premio Nacional ás Boas Prácticas.

Fonte

• Redacción de QPC (info@quepasanacosta.gal).