A biblioteca do Parador de Lourido acolle este venres, 27 de decembro, ás 19.00 h, o acto de presentación do libro "Poemas", unha selección da obra de Pondal en formato bilingüe.

Presentan a obra Julia Ures, licenciada en galego-portugués e cofundadora do proxecto Ponteceso Cultura Permanente; Miguel Losada, poeta, tradutor, director da cátedra de estudos galegos, presidente da sección de cinema do Ateneo de Madrid, membro da xunta directiva do Círculo de Escritores Cinematográficos e autor do
prólogo do libro; e Pepa Nieto, escultora, poeta e coordinadora da tertulia Arco Poético na biblioteca pública Elena Fortún (Retiro).

Eduardo Pondal é unha figura imprescindible nas letras galegas que se empeñou en atopar a esencia da raza na crenza de que Galicia era un pobo predestinado. Iso converteu ao poeta na esencia do galeguismo, converténdose no máximo cultivador do que se coñece como celtismo literario. A súa poesía exhala un alento íntimo que alcanza o substrato máis profundo do ser humano.