Segue a Xunta repartindo o único beneficio real que teñen os Concellos que sufrimos os parques eólicos nos nosos montes. Mellor nos parecería pagar a luz máis barata, pero a contrapartida que escolle a Xunta é repartir entre os concellos o que chama o Fondo de Compensación Ambiental.

Algo menos dun millón de euros repartiu a Xunta entre Vimianzo, Mazaricos, Dumbría, Muros e Carnota, Camariñas, ou Malpica, entre outros, para diversas obras.

Hoxe toca anunciar a concesión da subvención destinada á execución de diversos traballos de recuperación medioambiental e mellora do entorno en Ponteceso. Unha achega de 109.041 euros que permite acometer melloras na rede de pluviais na parroquia de Tella, levándoa ata os lugares de Os Seixos e á aldea de Tella; e para sufragar o equipamento do Grupo de Emerxencias Supramunicipal (GES), que conta con 12 efectivos. O GES xa pode contar así co seu propio equipo de excarcelación.

Axudas do Fondo de Compensación aos Concellos da zona

Un todoterreno da Deputación para Muxía

O pleno da Deputación aprobará mañá a achega de 30.000 euros á Agrupación de Voluntarios de Protección Civil para a adquisición dun vehículo todoterreno. O 4x4 contará con todo tipo de equipamento para intervir en emerxencias. Así, incorporará unha ponte de sinalización, megafonía, focos de alta potencia, así como lanternas, un extintor, botiquín, e cascos de protección.

Novas relacionadas

• O GES xa é unha realidade en Muros e Ponteceso deixando orfos a Vimianzo e Cee.
• O canon eólico deixa 125.000€ en Vimianzo para obras de saneamento.
• Novas melloras para o saneamento de Mazaricos gracias aos 123 viraventos.
• Dumbría e outros 8 concellos da zona sanéanse co canon eólico.
• Muros e Carnota reciben axudas para aforrar enerxeticamente.
• Camariñas mellora a eficiencia do alumeado público e Ponteceso o saneamento co canon eólico.
• Obras de recuperación de camiños e lavadoiros en Malpica.

Fonte

• Xunta.