Xoves. 28.03.2024
El tiempo

Os arqueiros de Vimianzo, cuartos no campionato galeto de clubs

Arqueiros do Dousxsetenta cuartos no campionato galego de tiro con arco
Os arqueiros de Vimianzo, cuartos no campionato galeto de clubs

O pasado sábado celebrouse o Campionato Galego de Clubs co que se pecha a temporada de sala de tiro con arco. A competición celebrouse no pavillón municipal de Galán (Arteixo) e nela participaron un total de 16 equipos de toda Galicia.

Entre eles o equipo vimiancés Dousxsetenta, que estivo representado por un equipo formado por José María Lema, Isaac Varela, Jose Vázquez e Víctor Santos. Un cadro soneirán qeu acadou nada menos que o 4º posto por clubs, só por detrás dos Arc (Arteixo), Sílex (As Pontes) e Lumelar (Ourense).

A primeira parte da competición consistiu nunha fase clasificatoria que servía para definir os cabezas de serie de cada un dos grupos que se formarían posteriormente para os enfrontamentos. Douxsetenta acadou a segunda posición por detrás do club Sílex, polo que se colocou como cabeza de serie do grupo 2.

Nos enfrontamentos de grupo, os vimianceses gañaron 6 dos 7 encontros disputados, cedendo só ante un dos máximos favoritos ao trunfo, o club Arc Teixo. Deste xeito o club soneirán rematou a fase de grupos no segundo posto, que lle permitiu acceder á final de consolación, no que se enfrontou ao club Lumelar para determinar o terceiro e o cuarto posto da competición.

 

Foi un enfrontamento moi igualado no que se chegou empate a 4 puntos no cuarto set, polo que todo se decidía a frecha de desempate. A igualdade non se rompeu, xa que os dous equipos empataron a puntos no desempate, polo que a vitoria sería para aquel equipo que máis se achegase ao centro da diana. Nesta ocasión foi o Lumelar o que tiña a frecha máis próxima ao 10 polo que foron eles os que acadaron a terceira posición.

Novas relacionadas

Comentarios