Venres. 29.03.2024
El tiempo

As Augas de Fisterra viviron a cita final do Circuito de Travesías Costa Abanca

Travesia ABanca en Fisterra-Foto-Alexandre Varela Juve Multimedia
A Travesia ABanca pechou o Circuito nas augas de Fisterra-Fotos de Alexandre Varela Juve Multimedia
As Augas de Fisterra viviron a cita final do Circuito de Travesías Costa Abanca

Rematou en Fisterra o circuíto Travesía Costa Abanca by Duacode, o circuíto máis longo de Galicia de natación en augas abertas. Este domingo a vila do Cristo puxo o traxe de neopreno para recibir a máis dun centenar de participantes, que sortearon o bravo Atlántico.

Había dúas distancias, a proba longa, de 4.000 metros, nadando arredor dunha hora desde o faro de Fisterra a praia da Ribeira, e a proba curta, de 2.000 metros, da praia de Corveiro e á praia da Ribeira.

Nadadores da Travesia Fisterra-Foto-Alexandre Varela Juve Multimedia

E como fixera en Balarés, Manu Regueiro venceu na proba longa asegurando así o Circuito. Por detrás entrou David Rodríguez Lago e Mario Sánchez de Santiago. En categoria feminina, María Fiol Aixarch foi a primeira, por diante de Nancy Frey e María Sánchez Ontín.

Na proba curta venceu Diego Gutiérrez López, por diante de Santy Bernárdez Iglesias e Edu Pinedo Armesto. Mentres que en chicas, venceu Catalina López González, por diante de Sonia Braña Menéndez e María Espasandín Martínez.

Calcamonia co dorsal do Circuito Travesia Abanca-Foto-Alexandre Varela Juve MultimediaTravesia Abanca-Alexandre Varela Juve Multimedia

Clasificación xeral

Manu Regueiro venceu en Fisterra e o CircuitoTravesia Abanca-Foto-Alexandre Varela Juve Multimedia

Así o podios globais do Circuito, tras dous meses de competición, quedan do seguinte xeito: Manu Regueiro é o campión do Circuito, por diante de Antonio Rivas e Pablo Carro. En categoría feminina, Cristina González é a campiona por diante de Mar Martínez e Ana Belén Verdes.

Cristina González campiona da xeral con Mar Martinez e Ana Belen VerdesAlexandre Varela Juve Multimedia

A final, nas Pontes

Aínda que a de Fisterra é a última puntuable, aínda queda unha proba do Circuíto Travesía Costa Abanca by Duacode, aínda que xa non será en augas abertas. O próximo 15 de setembro celébrase a Travesía Costa As Pontes, con tres distancias: 10.000 (na proba máis longa de todo o circuíto), 5.000 e 1.500 metros, que comezarán ás 10.00, ás 11.00 e ás 12.00 horas, respectivamente.

NOVAS RELACIONADAS

Comentarios