13 obras galegas optan aos Premios ARQUITECTURA 2026 do Consejo Superior de los Colegios de Arquitectos de España (CSAE), en colaboración con COMPAC®. Entre elas, atopamos dúas propostas costeiras: A rehabillitación da Cormelá, unha pequena vivenda en Corme (Ponteceso); e o novo Centro social de Goiáns en Carballo.

Estes premios celebran a súa quinta edición co inicio da segunda fase e a presentación das 209 obras escollidas dun total de 534 propostas presentadas que abarcan as distintas disciplinas da Arquitectura. En maio, reunirase un xurado formado por arquitectos/as de recoñecido prestixio para elixir as propostas finalistas aos premios. Os proxectos gañadores anunciaranse o 9 de xuño no transcurso dunha cerimonia que se celebrará en Madrid. 

O Colexio de Arquitectos de Galicia sinala que a selección galega dos Premios destaca pola "altísima calidade da arquitectura e o tratamento do territorio no contexto peninsular". 

A Cormelá (Corme, Ponteceso), de Javier Rocamonde Lourido e Natalia Alvaredo López

O xurado recoñece a posta en valor dunha vivenda mariñeira tradicional, conciliando o respecto patrimonial con estándares modernos de confort. Emprega materiais de proximidade para garantir unha baixa pegada de carbono e rexenerar o hábitat costeiro demostrando á maneira de Jill Stonner de que non hai arquitectura menor e que un proxecto ausente de forma non é menos intenso nin radical. 

Centro social de Goiáns: A comunidade como icona (Carballo), de Miguel Fernández-Galiano

O xurado valorou unha obra que se pode entender como reinterpretación dunha arquitectura popular galega en clave contemporánea para crear un espazo de encontro inclusivo e flexible. Responde ao compromiso de fixar poboación no rural mediante equipamentos de alta calidade arquitectónica. 

Outras novas