O pasado día 19 de xaneiro, tres alumnos/as de 1º de Bacharelado do IES Eduardo Pondal de Ponteceso, Marcos Señorís, Manuel Lema e Paula Lista, acompañados da súa profesora de matemáticas Manuela Ures Andrade, participaron na fase galega da LX Olimpíada Matemática Española 2024, celebrada na facultade de Matemáticas de Santiago de Compostela.

Aínda que non resultaron gañadores, a experiencia foi moi positiva e dende o Departamento seguirán promovendo a participación do alumnado nas próximas edicións.