O Museo de Arte Contemporánea da Costa da Morte volverá abrir as súas portas a partir do próximo luns, 3 de febreiro. Esta reapertura é especialmente significativa, pois o museo levaba pechado dende finais do verán, tras uns meses de apertura durante as mañás.

Durante o período comprendido entre o 3 de febreiro e o 11 de abril, o museo estará aberto os martes, mércores e xoves en horario de mañá, de 10:00 a 14:00 horas. Os venres, ademais dese horario, tamén se poderá visitar pola tarde, de 16:00 a 20:00 horas. O acceso será de balde, reafirmando así o compromiso do Concello de Ponteceso coa democratización da cultura e o acceso público ao patrimonio artístico.

As visitas de grupos deberán ser reservadas a través da sede electrónica do Concello de Ponteceso, dispoñible na páxina web https://sede.ponteceso.gal. Para calquera dúbida ou información adicional, os interesados poden contactar co museo chamando ao 881 98 46 65.