Ramón García Filgueira presenta no MACCMO o seu libro sobre os “Barcos de Cabotaje”
O Museo de Arte Contemporánea da Costa da Morte de Corme, MACCMO, acolle este sábado 29 de abril, a partr das 19:30h, a presentación do linro “Barcos de Cabotaje del norte de España”.
O seu autor, o cormelán Ramón García Filgueira, vén de ampliar a súa obra anterior "Barcos de cabotaje del corazón de la Costa da Morte”, e faino da man da Editorial Medulia, da súa veciña Diana Varela Puñal. O propio autor debulla así o libro:
"Este primeiro libro forma parte dunha serie de ensaios dedicados á historia das nosas embarcacións costeiras de casco de madeira, que durante algún período da súa vida foron propiedade do Norte, onde se dedicaron ao transporte de mercadorías por todo o noso litoral. Os barcos dos que se trata este traballo tiveron o seu maior esplendor no século XIX, a partir de entón entraron en decadencia sendo substituídos por barcos de vapor con casco de aceiro, algúns prolongáronse ata os anos 60 pero xa foron reformados coa incorporación de pequenas máquinas de vapor como vela, motores auxiliares e finalmente diésel. Gran parte desta frota acabou coa súa vida no tráfico de mercadorías entre os portos peninsulares e Baleares, así como entre as illas de Canarias, ata que foron substituídas por buques portacontedores e buques de carga rodados.
Tamén cómpre destacar a importancia da nosa carpintería de ribeira, famosa en todo o litoral pola súa robustez e estanqueidade, condición fundamental neste tipo de embarcacións.
Toda a información para a elaboración deste traballo recompilouse dos arquivos das Capitanías Marítimas, Lista Oficial de Buques (LOB), Lista de Lloyd's Register, Rexistros Mercantiles, Rutas Costeiras Españolas e da achega documental de persoas que colaboraron desinteresadamente co autor".
