xoves. 13.02.2025
El tiempo

Este sábado, festa de presentación do Festival Retella Fest 2025

Festa Presentacion Festival Retella Fest 2025
Este sábado, festa de presentación do Festival Retella Fest 2025

Presentar un festival case que cun festival. Esa é a identidade da marca da familia do Retella Fest, unha das citas musiqueiras, libres, xa consolidadas do panorama da Costa da Morte. 

A festa de presentación da edición deste 2025 será este sábado 18 de xaneiro, con tres concertos para quentar motores do que chegará no verán. A cita é a partir das 20:30 horas no campo de Os Seixos (Tella, Ponteceso) con entrada libre.

Para o acto de presentación, a organización conta con tres grupos musicais. Desde Mallorca volven participar nesta festa VYNILO, unha banda que fai transitar ao público por unha estrada de rock clásico, blues e incluso toques metaleiros. O guitarrista da banda é o pontecesán Cibrán Abella, que fará unha visita á súa vila natal para tocar co seu grupo rodeado de amigos e veciños.

A cita complétase co grupo de rock and roll coruñés Baila Cuchillo e, desde Pontecaldelas, Q’Jazz Band, unha formación que aposta pola recuperación do jazz con sons actuais.


Durante o evento está previsto anunciar as datas e o avance de cartel da quinta edición do Festival Retella, que terá lugar en Tella (Ponteceso) no verán deste 2025. A organización agradece a asistencia da veciñanza para apoiar e facer posible a continuidade deste evento cultural que, ata o momento, non conta con ningún apoio institucional nin privado. 

Así foi a festa de presentación do festival do ano pasado: 

Comentarios