Acodía este pasado venres a alcaldesa de Santa Comba, María Pose, á Xunta de Galicia para manter unha reunión coa conselleira en funcións de Medio Ambiente, Territorio e Vivenda, Ángeles Vázquez. Unha cita para analizar o estudo preliminar que vén de contratar a Xunta para avaliar a viabilidade da ampliación do polígono industrial de Santa Comba.

O Concello trasladara a necesidade a Xestur, ente que realizará nos vindeiros meses os traballos para sacar adiante o estudo, unha vez que todas as parcelas do polígono (inaugurado en 2005) están vendidas.