Pouco falta xa para a Fagía de Carnés, unha festa gastronómica con 400 anos de historia e unha das 9 Festas de Interese Turístico Galego. O ano pasado foron 2000 racións de callos as servidas no campo centenario da Cerca e este ano as previsións son as mesmas, pois a festa vai a máis.

De feito, este curso a Cofradía de Amigos da Faguía quixo comezar cun concurso de carteis a través da súa páxina de Facebook para conseguir un cartel ben xeitoso. Foron 6 os carteis finalistas e a idea ganadora foi da moza Alicia Baña Castro e a cofradía ten previsto editar o cartel.

O que non poderá facer a Cofradía este ano é entregar as Tellas de Ouro e Prata a seis personalidades que destaquen polo seu apoio á festa, debido á morte do seu gran maestre Ramón Santos, pero colaborará nos oficios relixiosos da festa e fallou este premio previamente convocado. De feito unha representación do cabildo mantivo unha reunión no palacio arzobispal en Santiago para tratar diversos asuntos concernentes á festa e á continuación da cofradía coas autoridades do Arzobispado de Santiago. O cabildo da cofradía estará momentaneamente presidido polo actual mordomo Andrés Rodriguez Martínez.

Festas do San Cristovo de Carnés

A Fagía encádrase no marco das Festas do San Cristovo de Carnés. Este 2014 chega completa, e despois da festa gastronómica tocan 3 días de troula, con moita verbena para todos os gustos.

Novas relacionadas

• As 9 Festas Turísticas da Costa da Morte.
• Fagía 2013: 2000 racións de callos para a festa gastronómica máis antiga do país.
• Fagía 2013: A Cofradía da Faguía celebrou o primeiro capítulo desta centenaria celebración gastronómica.
• Fagía 2012: A Fagía: 400 anos de historia concentrados en 3000 quilos de callos.
• Fagía 2009: A Fagía acabou coas existencias de callos.
• Fagía 2008: Carnés celebrou a Fagía a base de callos.
• A Fagía de Carnés, 400 anos dunha festa singular.
• A Fagía de Carnés é declarada Festa de Interese Turístico Nacional .

Un estudio sobre a historia da Fagía de Carnés

• A Cerca, o rito de virar a tella e a Pedra do Noco (I).
• A Cerca, o rito de virar a tella e a Pedra do Noco (II).
• A Cerca, o rito de virar a tella e a Pedra do Noco (III).
• A Cerca, o rito de virar a tella e a Pedra do Noco (IV e última).

Fonte

• Redacción de QPC ([email protected]).