As visitas guiadas e a historia dánse a man en agosto

O concello de Vimianzo ofrece varias visitas guiadas para dar a coñecer o patrimonio do municipio Dar a coñecer o patrimonio máis descoñecido do municipio é un dos principais obxectivos do programa de visitas guiadas bautizado como "Vimianzo. Historia Viva" e posto en marcha polo departamento de Cultural do concello vimiancés. Cada sábado do mes de agosto realizaranse novas visitas, cada unha delas cunha temática diferente e toda cun guía oficial. Todas elas parten ás 11:30 horas (agás a ruta nocturna) do castelo de Vimianzo e duran aproximadamente 2 horas e media. Na maior parte dos casos, o traxecto realizarase en bus. Alén diso, tamén se poderá gozar coas visitas guiadas ao castelo e aos Batáns e Muíños do Mosquetín durante os sábados e domingos de agosto e setembro. Ademais, tralo éxito da primeira visita nocturna ao castelo de Vimianzo, haberá unha nova oportunidade para pasar unha Noite no castelo o domingo 14 de agosto, previo ao festivo, ás 22:30 horas. O espírito de Evaristo Martelo será quen guíe aos visitantes pola súa morada. Para as visitas temáticas dos sábados e a Noite no castelo recoméndase reservar praza no correo electrónico visitavimianzo@gmail.com. Todo este proxecto fai parte dun programa máis amplo de dinamización turística durante o verán, no que tamén se encadra Castelo Vivo, con representacións teatrais que narran a historia da fortaleza por parte dos Quinquilláns os domingos ás 13 e ás 17h, ademais da xa clásica Mostra de artesanía ao vivo. Cada sábado, unha historia....

• 6 agosto. Vimianzo en festas. Visita gratuita pola vila. Vimianzo celebra as súas festas de verán, un momento perfecto para achegarse á súa historia. Desde o castelo partirase á Praza da igrexa, centro neurálxico da vida noutro tempo. Cruzarase o tradicional barrio de Tedín para chegar á capela neoclásica e Pazo de Trasouteiro. Tras escoitar as augas do río que moven a moa do Muíño da Agra e a visita remata no renacentista Pazo de Trasariz.
• 13 de agosto. Entre dolmens e castro. Visita en bus gratis para nenos e nenas e cun custe de 3€ para os adultos. As murallas do castro das Barreiras sorprenden en pleno val de Vimianzo. O mundo castrexo combínase co megalítico nunha viaxe pola Prehistoria: o castro do Altiño, a necrópole de Chan do Cabral e Rabós, a monumental Pedra da Arca e o dolmen singular da Casota de Freáns.

O concello repite o 14 de agosto a oportunidade de vistar o castelo de Vimianzo pola noite

• 14 de agosto. Visita nocturna ao Castelo de Vimianzo.  A pantasma do último morador do castelo, Evaristo Martelo, abrirá as portas da súa residencia aos visitantes. Unha oportunidade única e diferente de visitar o castelo iluminado e á luz das estrelas. Gratis.
• 20 agosto. Petróglifos e lendas ao caer o sol. Neste roteiro combínase unha viaxe en bus cunha pequena ruta a pé. Cos últimos raios de sol camiñarase durante 4 quilómetros visitando o túmulo megalítico da Arquiña de Vilaseco, a lendaria Pedra do Frade e os petróglifos de Boallo. Un momento perfecto para ver á luz das estrelas e as lanternas os relevos gravados en granito hai miles de anos. A visita ten un custe de 3€ para os adultos e é gratuita para os nenos e nenas.
• 27 de agosto. O outro medievo de Vimianzo. O elemento máis coñecido da Idade Media é o castelo, pero Vimianzo ten moitos máis segredos da época que visitar. Coñece o románico de Tines e Treos, o gótico dun dos cruceiros máis antigos de Galicia, a historia da cruz milenaria de Serramo e vixía os camiños desde San Bartolo e o Bico dos Xentís. Os adultos terán que pagar 3€ mentras que os nenos e nenas van gratis.

Novas relacionadas

• Vimianzo repasa a súa historia a golpe de visitas guiadas
• As visitas guiadas volven aos Batáns do Mosquetín e ao Castelo de Vimianzo
• O concello de Vimianzo asume a xestión dos Batáns do Mosquetín
• Recunchos da Costa: Os Batáns do Mosquetín
• A artesanía continúa viva no castelo de Vimianzo
• O Castelo de Vimianzo, Dombate, As Torres do Allo e os Batáns do Mosquetín volven abrir as portas
• Abertas as convocatorias para xestionar os Batáns e as Torres do Allo

Novas sobre o Parque do Megalitismo

• 14-10-14: O Parque do Megalitismo da Costa da Morte, 13 anos de quimera.
• 26-10-11: Pasiño a pasiño co Parque do Megalitismo.
• 13-07-08: Un paso máis cara a aprobación final do Parque Arqueolóxico do Megalitismo da Costa da Morte.
• 11-08-08: 14 megalitos da Costa da Morte serán denominados Bens de Interese Cultural .

Máis novas arqueolóxicas

• A Croa do Castro de Cerqueda, un proxecto fetén de Arqueoloxía Social.
• “O Proxecto das Croas de Niñóns non se podería levar a cabo sen os veciños”.
• A arqueoloxía social que descobre murallas.
• As Croas de Niñóns: novo exemplo de vangarda arqueolóxica dende a Costa da Morte.
• Recuperación internacional dos sendeiros de Titania.
• O Castro de Mallou abriuse aos veciños nun novo exemplo de arqueoloxía social.
• Primeira etapa da Torre dos Mouros, un proxecto do pobo.
• O Castelo de Brandufe, un novo tesouro agochado do altomedieval costeiro.
• O patrimonio volve ás mans da cidadanía.
• Excursión pola Ruta das Antas da Costa da Morte.
• O SEMESCOM sumérxese na rede e dixitaliza as súas obras.

Fonte

• Redacción QPC (info@quepasanacosta.com)
• Vimianzo