Seguimos descubrindo como vai ser o proxecto da Croa do Castro, e seguimos encantados sabendo que serán os veciños os verdadeiros protagonistas, pois xa foron eles a través das asociacións os que puxeron en marcha este proxecto de arqueoloxía social. Serán eles os que participen nunha xornada de limpeza, que se celebrará o primeiro sábado de Semana Santa, e asesorados por un equipo de arqueólogos, poderán contribuir a limpar a zona e ir descubrindo novos achádegos sobre este xacemento arqueolóxico de máis de 2.000 anos de antigüidade, erguido en plena Idade do Ferro.

Polo camiño segue o divulgador Manuel Gago armando entrevistas, como esta que vemos ao alcalde Eduardo Parga. Tras estas gravacións reside a idea de facer unha gran campaña de comunicación, para trascender Galicia e ir preparando unha serie de visitas de escolares e demais que permitan espallar o coñecemento do xacemento.

Máis datos

A Croa do Castro é un xacemento fortificado da Idade do Ferro, polo que pode ter uns 2.000 ou 2.300 anos, “aínda que sen facer escavacións non é posible sabelo”, matizou Manuel Gago. O profesor e xornalista cultural cualificouno coma “moi espectacular” e, segundo comentou, en principio parece que está en bo estado. Para saber se as expectativas se converten en realidade o primeiro que hai que facer é limpalo, porque só así se saberá exactamente o que hai. “Temos a sospeita de que limpándoo simplemente a Croa do Castro vai amosarnos xa algunhas sorpresas que intuímos polo que nos contan os veciños e polo que xa temos visto”, sinalou o coordinador do proxecto. “O primeiro paso é limpar e así poder documentar e levantar a planta do castro, que é como cando facemos unha casa pero ao revés: primeiro temos que limpar e despois ter os planos e saber exactamente que é o que temos aí abaixo”, engadiu.

Campaña de difusión

A partir dese momento comezará o proceso de posta en valor mediante unha campaña de comunicación “que faga que o castro sexa moi coñecido en Galicia e no resto do España” e comezar coas visitas guiadas, as actividades para escolares e o labor de recompilación de “todo o coñecemento que hai sobre ese lugar na comunidade local”, rematou Manuel Gago.

Así explica Gago como van ser os seguintes pasos:

Novas relacionadas

• 14-02-15: Os veciños de Cerqueda, os protagonistas da recuperación da Croa do Castro.
• 21-06-14: Recuperando a Croa do Castro.
• 30-12-14: Bota a andar o proxecto de recuperación da Croa do Castro de Cerqueda.
• Croa do Castro: A arqueoloxía oleira.
• Monte d’Arxa recuperará a Croa do Castro como recurso turístico.
• De viaxe pola Malpica da primeira metade do século XX.
• “O Proxecto das Croas de Niñóns non se podería levar a cabo sen os veciños”.
• A arqueoloxía social que descobre murallas.
• As Croas de Niñóns: novo exemplo de vangarda arqueolóxica dende a Costa da Morte.
• Recuperación internacional dos sendeiros de Titania.
• O Castro de Mallou abriuse aos veciños nun novo exemplo de arqueoloxía social.
• Primeira etapa da Torre dos Mouros, un proxecto do pobo.
• O Castelo de Brandufe, un novo tesouro agochado do altomedieval costeiro.
• O patrimonio volve ás mans da cidadanía.
• Entrevista con Manuel Gago: “O litoral da Costa ten propiedades hipnóticas”.

Fonte

• Redacción de QPC ([email protected]).