Falabamos onte da ondada de roubos nocturnos por empresas dumbriesas. Pois a problemática non quedou aí, e esta madrugada do martes 10 ao mércores 11 de xuño, tocoulles ao Matadoiro Municipal de Soneira, e á empresa Gerca, ambos situados na parroquia de Vilaseco, en Vimianzo.

Foi, máis ben, unha intentona, como corroboran as imaxes que grabaron as cámaras de seguridade. De feito, ao non poderen desconectalas, botaron abaixo a operación, e apenas levaron uns 70€ da caixa do Matadoiro de Vimianzo, pero non fixeron máis.

Pola súa banda, en Ferca, máis alá do cristal roto, apenas levaron nin 100€, o solto que teñen de cambio para a caixa.

O modus operandi e o móbil parece que son os mesmos. Dúas persoas, de diferente estatura, con luvas para non deixar pegadas, e con pasamontañas. Os roubos aconteceron entre as 0:30h e a 1:15h, pero ao veren que non había moito botín, saíron rápido e ”case non romperon case nada”, como nos contan dende o Matadoiro. “Apenas unhas escaiolas do falto teito e pouco máis”.

Así, a Garda Civil xa está co caso, despois de ter rexistrado a denuncia, e as grabacións xa están á súa disposición.

Haberá que estar atentos e ter coidado coas alarmas… E sobre todo, que non vaia a máis, que esto non sexa unha proba e volvan outro día, como apuntan dende Gerca.

Novas relacionadas

• 10-06-14: Dumbría amence con roubos en varias empresas.

Outros roubos

• 16-05-14: Operación Bluster: Desmantelado en Vimianzo un grupo organizado que delinquía a nivel local.
• 27-03-14: Detidos un carballés por 4 roubos e un vimiancés por disparar ao can dunha veciña.
• 24-03-14: Outros 4 veciños detidos en Carballo por roubos en vivendas de Sofán.
• 19-03-14: Detido en Carballo por roubar ferramentas nun domicilio.
• 27-02-14: Entran a roubar no campo de fútbol do Cairo e nunha casa carballesa.
• 10-02-14: Dous detidos e dez imputados por roubos en vivendas da Costa da Morte.
• 07-02-14: Tres detidos en Fisterra por roubar nun domicilio.

Fonte

• Redacción de QPC ([email protected]).