#CostadaVida: Vimianzo estrea o seu ambicioso proxecto que encherá de cultura as súas parroquias
![Presentacion CostadaVida Vimianzo](/asset/thumbnail,992,558,center,center/media/quepasanacosta/images/2022/11/01/2022110110000373860.jpg)
Veu a luz este luns 30 de outubro o poderoso proxecto cultural do Concello de Vimianzo “Costa da Vida”. Unha programación que levará as artes escénicas e na música polas parroquias do Concello vimiancés, que levou a mellor puntuación das 15 propostas subvencionadas nesta liña de axudas da Axencia Galega das Industrias Culturais.
![ACostadaVidaRedesMercedes_V1_cadrada copia](/media/quepasanacosta/images/2022/11/01/2022110110000335198.jpg)
O groso do programa concentrarase entre os meses de xaneiro e marzo de 2023 cunha vintena de actuacións de teatro, música, humor e narración oral, como os espectáculos “Dous no camiño”, “As alumnas e Feo”, os concertos de “Píscore”, “Acordereita”, “Pan Sen Fron”, “Caamaño & Ameixeiras” e “Carapaus”, ou os monólogos de Marta Doviro, Vero Rilo e Avelino González, entre outras.
Tamén forman parte desta carteleira formacións da zona como os grupos de pandeireteiras de Carnés, de Treos, de Berdoais e de Baíñas ou os de gaitas de Carantoña e da Asociación Cultural Trubisquiña.