Mércores. 06.07.2022
El tiempo

Manuel Rivas presenta en Vimianzo a adaptación teatral da súa novela "Bala Perdida"

Manuel Rivas presenta en Vimianzo a adaptación teatral da súa novela "Bala Perdida"
Manuel Rivas presentou onte en Vimianzo a adaptación teatral da obra "Bala Perdida" Manuel Rivas presentou onte en Vimianzo a adaptación teatral da obra "Bala Perdida" #Orgullosos andan por Vimianzo xa que a casa da Cultura acolle o vindeiro domingo, ás 18:30 horas, a estrea "mundial" da obra "Bala perdida", unha adaptación da novela de Manuel Rival. Así o anunciaron onte nunha rolda de prensa que ofreceron os actores e actrices que conforman o elenco, os directores-adaptadores, Lino Braxe e Jorge Rey, o autor Manuel Rivas, o alcalde do concello de Vimianzo, Manuel Antelo e a concelleira de Cultura, Deportes e Mocidade, Marta Rei. "É todo un honor para o concello de Vimianzo acoller esta presentación á que lle augura un grande éxito" suliño Antelo. Ademais agradeceu a Manuel Rivas a disposición para estar a carón da xente e da terra que quere e á compañía teatral por escoller Vimianzo para a estrea. Para Manuel Rivas - moi vinculado a Vimianzo - a adaptación constitúe unha situación moi feliz, pois a obra foi escrita en Vimianzo, máis concretamente no lugar de Urroa, onde o escritor posúe unha casa. "Bala perdida" é unha obra na que a Costa da Morte está moi presente. O autor manifestou o seu agradecemento cara aos adaptadores e cara á compañía pola nova dimensión que lle achegan á obra. Para Rivas a Terra de Soneira, lonxe de ser periferia, "é unha terra cosmopolita", por ese motivo naceu aquí "Bala perdida", e por ese motivo Vimianzo é o lugar axeitado para a estrea da adaptación teatral. O elenco de "Bala Perdida" presentou onte en Vimianzo a obra teatral O elenco de "Bala Perdida" presentou onte en Vimianzo a obra teatral Pola súa banda, Lino Braxe, un dos adaptadores-­directores e actor protagonista convidou a fuxir do concepto capitalino e sinalou que para el Vimianzo tamén é o lugar ideal para a estrea. Segundo indicou durante a súa intervención "a adaptación dunha novela ao teatro é un enorme desafío pois, a maiores de contentar ao público, desexa que o autor quede satisfeito". Os actores salientaron a complicidade e a imaxinación que reina entre o elenco. Vimianzo sitúase así como un referente comarcal dentro do ámbito da cultural gracias ao seu ambicioso programa que enchen o auditorio da casa da Cultura sábado tras sábado con espectáculos para todos os públicos.   Novas relacionadas Fonte 

comentarios