A Consellería de Cultura e Educación da Xunta de Galicia xa ten recibido as 100 cartas dos pais e nais dos cativos de Carnés. E hoxe recibirá un escrito do Concello de Vimianzo, no que lle reclama que manteña aberta a Escola Unitaria de Carnés.

Segue así a loita vimiancesa por manter aberta o centro educativo, que obrigará a alomenos 6 nenos a cambiar de escola. Tendo en conta a listaxe de adxudicacións provisionais de primaria e comprobando que nesa listaxe non aparece ningún docente destinado á Escola de Educación infantil de Carnés, dende o Concello de Vimianzo reclámanlle á Consellaría que corrixa esa listaxe de adxudicacións e destine un docente para a Escola Unitaria de Carnés, unha vez verificado mediante documentos oficiais que o número de alumnos matriculados nese centro para o vindeiro curso é de 6 e non de 5 como apuntaron dende a Consellaría.

O Concello de Vimianzo apoia as demandas dos pais e nais reclamando que se manteña aberta a Escola Unitaria de Carnés para o vindeiro curso, neste sentido ademáis de participar nas mobilizacións e acompañar aos pais e nais na entrega de postais dirixidas ao Sr. Conselleiro de Cultura e Educación reclamándolle este feito, dende a Alcaldía dirixíronse distintos escritos a Consellaría de Educación reclamando que o centro de ensino continúe aberto para o vindeiro curso e solicitouse, por diversos medios, unha entrevista co Director Xeral de Centros da Consellaría, solicitude que, de momento, non foi atendida.

Novas relacionadas

• 14-08-14: Os pais e nais de Carnés envían máis de 100 reclamacións á Xunta contra o peche da escola infantil.
• 10-08-14: Carnés mobilízase contra o peche da escola unitaria.

Máis novas sobre a loita contra a LOMCE

• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.

Fonte

• Redacción de QPC ([email protected]).